Qazaqstan men Qytaıdyń iri kompanııalary 7 mlrd dollardyń strategııalyq kelisimderine qol qoıdy
ASTANA. QazAqparat - Astanada ótken Qazaqstan-Qytaı iskerlik keńesiniń IV otyrysy aıasynda Qazaqstan men Qytaıdyń iri kompanııalary strategııalyq mańyzy bar birqatar kelisimderge qol qoıdy, dep habarlaıdy QazAqparat.
Energetıka, xımııa ónerkásibi, metallýrgııa salalarynda 7 mlrd AQSh dollaryna jýyq somada barlyǵy 22 kommertsııalyq jáne negizdemelik kelisimderge, onyń ishinde «Samuryq-Qazyna» AQ tobynyń qatysýymen jalpy somasy 4,5 mlrd AQSh dollary bolatyn 6 kelisimge qol qoıyldy.
Al «Samuryq-Energo» AQ dırektorlar keńesiniń tóraǵasy Qýanysh Bektemirov óz sózinde Qazaqstan-Qytaı iskerlik keńesi óz tıimdiligin tanytyp, qazirgi tańda dıalog jáne iskerlik-alańyn qalyptastyrǵandyǵyn atap ótti. «Osy ýaqyttyń arasynda iskerlik keńes óz tıimdiligin kórsetip, dıalog jáne bıznes-alańy retinde qalyptasty. Qazirgi tańda qazaqstandyq-qytaılyq qorjynda jalpy somasy 28 mlrd AQSh dollaryna jýyq 51 joba bar. Onyń ishinde júzege asyrylyp jatqan 14 joba «Samuryq-Qazyna» AQ kompanııalar tobynyń úlesine tıesili. Bizdiń bıznes-seriktestik munaı-gaz, hımııa, energetıka, taý-ken metallýrgııalyq, aýyl sharýashylyǵy, mashına jasaý sektorlaryna baǵyttalǵan»,- dedi Qýanysh Bektemirov.
Onyń aıtýynsha, búgin bekitilgen kelisim-sharttardyń sıpaty men mazmuny ınfraqurylymdy damytý jáne joǵary tehnologııaly óndirister qurý boıynsha «Samuryq-Qazyna» qorynyń ınvestıtsııalyq basymdyqtaryn kórsetedi.
«Bul Qazaqstannyń óńirlerinde gıdrostantsııalar men jel elektr stantsııalaryn salý, eksporttyq hımııa ónimderin shyǵarý boıynsha strategııalyq jobalar», - dedi atalmysh kelisimderdiń mańyzdylyǵyn atap ótken Qýanysh Bektemirov.
Sonymen qatar, «Samuryq-Energo» AQ basqarma tóraǵasy Almasadam Sátqalıevtiń sózinshe, qytaılyq áriptester kompanııanyń jarǵylyq kapıtalyna enýge jáne táýekeldi jeńildetýge ázir.
«Búgin tanystyrylǵan jobalar Qazaqstan men Qytaı arasyndaǵy strategııalyq ynmytaqtastyq saıasatyna sáıkes keledi. «Nurly jol» memlekettik baǵdarlamasy jáne «Bir beldeý - bir jol» baǵdarlamalarynyń talaptaryna jaýap beredi»,- dedi basqarma tóraǵasy.
Sondaı-aq, Atyraý oblysynda metanol men ammıak óndirý, Jambyl óńirinde kúıdirgish soda óndirisin iske qosý úshin ınvestıtsııalyq jobalar iske asyrylady. «Samuryq-Qazyna» AQ men qytaılyq Haıdro Chaına» kompanııasy muryndyq bolǵan jobalar otandyq agrohımııa klasterin damytýǵa baǵyttalǵan.
«Qazaqstan-Qytaı qorjynynda jalpy somasy 28 mlrd AQSh dollaryna jýyq 51 joba, onyń ishinde Samuryq-Qazynanyń 14 jobasy bar. Jańartylmaly energetıka, munaı hımııasy, logıstıka jáne agrarlyq-ónerkásiptik sektor - bul Qazaqstan men Qytaı arasyndaǵy yntymaqtastyq aýqymy. «Samuryq-Qazyna» AQ uıymdastyrýymen Qazaqstan-Qytaı iskerlik keńesiniń tórtinshi sessııasyn osylaı qorytyndynylaýǵa bolady», - delingen baspasóz baıanynda.
