Qazaqstan men Qytaı túsirgen «Kompozıtor» Vankýver festıvalinde tórt júlde jeńip aldy
NUR-SULTAN. QazAqparat – Qazaqstan men Qytaı birlesip túsirgen «Kompozıtor» fılmi 8-shi Vankýver halyqaralyq qytaı kınofestıvalinde «Qyzyl úıeńki japyraǵy» syılyǵynyń birden tórt júldesin jeńip aldy, dep habarlaıdy QazAqparat Sh. Aımanov atyndaǵy Qazaqfılmge silteme jasap.
Rejısserler Sábıt Qurmanbekov pen Sherızat ıAkýbtyń «Kompozıtor» týyndysy «Úzdik fılm», «Úzdik rejısser», «Úzdik áıel róli» jáne «Úzdik er adam róli» nomınatsııalarynda top jardy.
Túsirilim tobynyń qýanyshty jańalyǵyn fılmde basty rólderdiń birin somdaǵan qazaqstandyq aktrısa Arýjan Jazylbekova bólisti.
«Dostar! «Kompozıtor» kınokartınasynyń barlyq túsirilim tobyn jeńisimen quttyqtaımyn! «Qazaqfılmge», bizdiń rejısserlerimiz Sábıt Qurmanbekov pen Sherızat ıAkýbqa jáne bizdiń kishkentaı Dilnáz Nurseıitke (bul onyń debıýttik róli), Altynaı Nógerbekke, Berik Aıtjanovqa jáne Hý Tszıýnge alǵys bildirgim keledi. Bul – bizdiń ortaq jeńisimiz. Men sizderdi shyn júrekten quttyqtaımyn», - dep aqjarma tilegin jetkizdi A. Jazylbekova.
«Kompozıtor» fılmi belgili qytaı kompozıtory Sıan Sınhaıdyń Almatyda ekinshi dúnıejúzilik soǵys kezindegi ómiri men onyń belgili qazaqstandyq kompozıtor Baqytjan Baıqadamovpen dostyǵyn baıandaıdy.
Fılmdegi basty rólderdi Hý Tszıýn, Berik Aıtjanov, ıÝan Tsıýan, Arýjan Jazylbekova jáne Altynaı Nógerbek somdaǵan.
