Qazaqstan men Qytaı syrtqy saıası vedomstvolarynyń basshylary kelissózder júrgizdi

SIANЬ. QazAqparat – Qazaqstan Respýblıkasy Premer-Mınıstriniń orynbasary - Syrtqy ister mınıstri Murat Nurtileý «Ortalyq Azııa-Qytaı» formatyndaǵy Syrtqy ister mınıstrleriniń 4-shi keńesine qatysý sheńberinde Qytaı Halyq Respýblıkasynyń Syrtqy ister mınıstri Tsın Ganmen kelissózder júrgizdi. Bul týraly QazAqparat Syrtqy ister mınıstrliginiń resmı saıtyna silteme jasap habarlaıdy.

Qytaı áriptesimen kelissózder barysynda saıası, saýda-ekonomıkalyq jáne mádenı-gýmanıtarlyq salalardaǵy Qazaqstan-Qytaı yntymaqtastyǵynyń qazirgi jaǵdaıy men damý perspektıvalary talqylandy. Halyqaralyq kún tártibindegi ózekti máseleler boıynsha pikir almasty.

Mınıstr M. Nurtileý Qytaımen jan-jaqty strategııalyq áriptestik qatynastaryn damytý Qazaqstannyń syrtqy saıasatyndaǵy ózgermeıtin mańyzdy basymdyqtardyń biri ekenin atap ótti. Bul eki eldiń arasyndaǵy, ásirese saýda jáne ınvestıtsııalar salasyndaǵy kópqyrly yntymaqtastyqty odan ári keńeıtý maqsatynda joǵary deńgeıde qol jetkizilgen ýaǵdalastyqtardy iske asyrý úshin birlesken kúsh-jigerdi qabyldaý qajettigin atap ótti.

Taraptar BUU, ShYU, AÓSShK, «Ortalyq Azııa-QHR» formaty jáne basqa da kópjaqty tetikter sheńberinde úılestirýdi jáne tyǵyz ózara is-qımyldy odan ári nyǵaıtýǵa daıyn ekendigin bildirdi.

Sondaı-aq, M. Nurtileý Shensı provıntsııasy partkomynyń hatshysy Chjao Idemen kezdesti. Bul aımaq QHR-dyń negizgi kólik-logıstıkalyq habtarynyń biri. Kelissózder barysynda «Qytaı-Eýropa-Qytaı» transkontınentaldyq baǵyty boıynsha tıimdi júk tasymaldaryn qamtamasyz etý salasyndaǵy ózara tıimdi yntymaqtastyqty damytý jáne nyǵaıtý, sondaı-aq óńiraralyq ózara is-qımyldy jolǵa qoıý máseleleri talqylandy.

Taraptar Sıan-Astana-Sıan baǵyty boıynsha tikeleı áýe qatynasynyń ashylýyn qanaǵattanýshylyqpen atap ótti, bul eki eldiń azamattary men bıznes ókilderi arasyndaǵy almasýlardyń keńeıýine oń áserin tıgizetini sózsiz.