Qazaqstan men Qytaı shekarasyndaǵy barlyq ótkizý pýnkti jumys istep tur
«Investıtsııalar salalaryndaǵy yntymaqtastyq komıteti, Yntymaqtastyq jónindegi komıssııa, óńirlik yntymaqtastyq forýmy syndy tetikterdiń áleýetin arttyramyz. Ekijaqty yntymaqtastyq sapasyn ártaraptandyryp, nyǵaıtamyz, arttyra túsemiz. Ózara tıimdi yntymaqtastyqty múltiksiz damytyp, jańa salalary men múmkindikterin qarastyramyz. Qytaı-Eýropa baǵdarynyń ótkizý qabiletin barynsha qamtamasyz etip, Transkaspıı halyqaralyq kólik dáliziniń áleýetin asha túsemiz. Kólik baǵdarlaryn ártaraptandyramyz», - dedi Van I QR Premer-Mınıstriniń orynbasary – Syrtqy ister mınıstri Muhtar Tileýberdimen kezdesýden keıingi brıfıngide.
Sonymen qatar ol eki el 5G, úlken derekter, jasandy ıntellekt, tsıfrlyq qarjy, transshekaralyq elektrondy saýda, jańaratyn energııa kózderi salalarynda jańa ósim núktelerin qurýǵa da basa mán beretindigin atap ótti.
«Qazaqstan men Qytaı shekarasyndaǵy barlyq ótkizý pýnkti jumystaryn qalpyna keltirdi. Áýe qatynasyn jańǵyrtý máselesinde de ilgerileýshilik bar. Eki eldiń áýe kompanııalpary taıaý ýaqytta aptasyna 2 reısten oryndaıtyn bolady. Bul da eki eldiń halqyna paıda ákeledi», - dedi Qytaı Syrtqy ister mınıstri.
