Qazaqstan men Qytaı óńirlik qaýipsizdik máselelerin talqylady
BEIJІŃ. QazAqparat - Qytaıdaǵy Qazaqstan Elshisi Shahrat Nuryshev QHR lańkestikke qarsy kúres jónindegi memlekettik komıssary Chen Gopınmen kezdesti, dep habarlady Qytaıdaǵy «QazAqparat» HAA menshikti tilshisi.
Kezdesý barysynda óńirlik qaýipsizdik, lańkestikpen, separatızmmen jáne ekstremızmmen kúres salasyndaǵy eki eldiń yntymaqtastyq máseleleri talqylandy. Halyqaralyq kún tártibiniń birqatar máseleleri, atap aıtqanda BUU, ShYU AÓYSSh aıasynda Qazaqstan men Qytaıdyń ózara is-qımyldary boıynsha pikir almasty.
Chen Gopın dıplomatııalyq qatynastyń 25 jylynda, eki memleket basshylarynyń kúshi arqasynda eki jaqtyń qatynasy úlken nátıjege qol jetkizdi. Ol osy jylǵa josparlanǵan joǵary deńgeıdegi saparlar, ekijaqty is-sharalar, «EKSPO-2017» kórmesiniń ashylýy, Qazaqstandaǵy Qytaıdyń týrızm jylyn basty nazarǵa aldy. 
Óz kezeginde Nuryshev eki el arasyndaǵy jan-jaqty strategııalyq áriptestik jańa damý kezeńine shyqqanyn atap ótti, ony memleketter men úkimetter basshylary deńgeıindegi turaqty saparlar, tyǵyz saýda-ekonomıkalyq, ınvestıtsııalyq, kóliktik, energetıkalyq jáne mádenı-gýmanıtarlyq yntymaqtastyq kórsetedi.
Kezdesý qorytyndysy boıynsha Sh. Nuryshev Chen Gopınge QR-daǵy QHR Elshisi jáne QHR syrtqy ister mınıstriniń orynbasary retinde ekijaqty qatynastardy damytýǵa qosqan úlesi úshin «QR Táýelsizdigine 25 jyl» medalin tabys etti.
