Qazaqstan men Qytaı quny 1,7 mlrd. dollarǵa teń aýyl sharýashylyǵy salasyndaǵy jobalardy júzege asyrmaq
«COFCO kompanııasy qyzanaq tomaty óndirisi jáne ony qaıta óńdeý salasynda óte tanymal. Bul kompanııa qyzanaq jáne qyzynaq pastasyn óńdeý salasynda keminde úsh zaýyt salýdy boljap otyr. Al «Rifa» bolsa jeke ınvestor, joba biraz ýaqyttan beri talqylaný ústinde. Alǵashqy kezdesý ótken jyldyń mamyr aıynda ótken bolatyn. Ol kezde et ónimine qatysty joba talqylanǵan bolatyn. Ónimderin Qytaı men Arab elderine eksportqa shyǵarýdy josparlaýda», - dedi kelisimsharttarǵa qol qoıý rásiminde elimizdiń Aýyl sharýashylyǵy mınıstri Asyljan Mamytbekov.
Qol qoıý rásiminen keıin BAQ ókilderine túsinik bergen Aýyl sharýashylyǵy mınıstriniń orynbasary Gúlmıra Isaevanyń aıtýynsha, búginde eki el arasynda aýyl sharýashylyǵy salasyna qatysty 19 joba júzege asyrylý ústinde.
«Investıtsııanyń jalpy kólemi 1 mlrd. 735 mln. dollardy quraıdy. Aıta keterligi, bul jobalardyń on ekisi Shyǵys Qazaqstan men Almaty oblystarynda ornalasqan. Óıtkeni, bul óńirler logıkalyq turǵyda barynsha ońtaıly ornalasqan», - dedi ol.