Qazaqstan men Qytaı Qorǵastaǵy bógetti birlesip salady
ASTANA. QazAqparat - Parlament Májilisi «Qazaqstan Úkimeti men Qytaı Úkimeti arasyndaǵy Qorǵas ózeninde «Shúkirbulaq (Almaly)» birlesken sel ustaıtyn bógetin salýdaǵy yntymaqtastyq týraly kelisimdi ratıfıkatsııalaý týraly» zań jobasy boıynsha jumysty bastady, dep habarlaıy QazAqparat.
«2017 jyldyń maýsymynda eki el úkimetteri arasynda Astanada jasalǵan kelisim Qorǵas ózeninde birlesken sel ustaıtyn bógetti salýdaǵy yntymaqtastyqqa baǵyttalǵan. Osy oraıda jobanyń jalpy qunynan taraptardyń árqaısysy 50 paıyz kóleminde qarjy salady», - dedi Májilistiń Ekologııa máseleleri jáne tabıǵat paıdalaný komıtetiniń tóraǵasy Gleb Şegelskıı jalpy otyrys barysynda.
Osy oraıda ol komıtet atalǵan zań jobasy boıynsha 2018 jylǵy 12 jeltoqsanǵa deıingi merzimde qortyndy ázirleýge daıyn ekenin atap ótti.
Aıta keteıik, Qazaqstan men Qytaıdyń birlesip, Qorǵas ózeninde salatyn bógeni 9,8 mıllıon tekshe metr sel massasyn ustaı alady.
Budan buryn habarlanǵandaı, 2017 jylǵy 8 maýsymda Aqordada Qazaqstan Respýblıkasynyń Prezıdenti Nursultan Nazarbaev pen Qytaı Halyq Respýblıkasynyń Tóraǵasy Sı Tszınpınniń qatysýymen Qorǵas ózeniniń Shúkirbulaq birlesken sel ustaıtyn bógetin salýdaǵy yntymaqtastyq týraly kelisimge qol qoıyldy.
