Qazaqstan men Qytaı ınvestıtsııany qorǵaýǵa qatysty kelissóz júrgizdi
«Kelissózder barysynda taraptar ulttyq múddelerdi esepke ala otyryp, jekelegen normalardyń tásilderi týraly tujyrymdamalyq kelisimge qol jetkizdi. Kelisim jobasynyń naqty mátinin talqylaý bastaldy», delingen habarlamada.
Aıta keterligi, kelissóz nətıjesi eki el arasyndaǵy sapaly halyqaralyq-quqyqtyq bazany damytýda birlese jumys isteýdi bastaý bolmaq. Ol eki eldiń bıznesi men ózara tıimdi ınvestıtsııalyq yntymaqtastyǵyn odan ári tereńdetýge negiz bolady.
«Qazaqstan Respýblıkasy men QHR ınvestıtsııalardy yntalandyrý jáne ózara qorǵaý týraly kelisimine» 1992 jyldyń 10 tamyzynda qol qoıyldy.
2005 jyldan 2017 jyldyń 9 aıyna deıin Qytaı men Qazaqstan ekonomıkasyna ákelingen tikeleı ınvestıtsııalar 15 mlrd AQSh dollarynan asady. Qazaqstannan Qytaı ekonomıkasyna tikeleı ınvestıtsııalardyń jalpy aǵyny 500,4 mln AQSh dollaryn qurady.