Qazaqstan men Qytaı ınvestıtsııalyq jobalardy talqylady
Búgin QR Syrtqy ister mınıstriniń orynbasary Almas Aıdarov pen QHR Reformalar jáne damý jónindegi memlekettik komıteti tóraǵasynyń orynbasary Nın Tszıchjeniń tóraǵalyǵymen ındýstrııalandyrý jáne ınvestıtsııalar salasyndaǵy yntymaqtastyq jónindegi Qazaqstan-Qytaı komıssııasynyń 18-shi otyrysy ótti.
Onlaın-otyrysta ınvestıtsııalyq jobalardy iske asyrý barysy talqylandy. Olardyń tabysty júzege asýyna kómek kórsetý jáne týyndaǵan máselelerdi sheshý jóninde pikir almasyldy.
«Júk tasymaly men shekaradan ótýge baılanysty máselelerdi jedel sheshý, sondaı-aq jobalardy aıaqtaý úshin qajetti jabdyqtardy ýaqtyly jetkizý boıynsha naqty sharalar kelisildi.
Taraptar túrli salalarda jalpy somasy 576 mln AQSh dollary bolatyn 7 birlesken ınvestıtsııalyq jobany aıaqtaý jónindegi josparlardy rastady. Osy jobalar iske qosylǵannan keıin 647 jumys ornyn qurý kózdelgen.
Qatysýshylar COVID-19 jahandyq pandemııasymen kúres aıasynda gýmanıtarlyq kómek kórsetkeni úshin ózara alǵystaryn bildirdi. Eki el aýmaǵynda epıdemııa deńgeıin tómendetýge múmkindik beretin yntymaqtastyqtyń tıimdiligi atap ótildi», - delingen aqparatta.