Qazaqstan men Qytaı ǵalymdary jastar arasynda ǵylymdy birlese nasıhattamaq

ALMATY. QazAqparat – Qazaqstan men Qytaı ǵalymdary jastar arasynda ǵylymdy nasıhattaýdy birlesip júzege asyrmaq. Bul týraly taraptar Almatyda ótken kezdesýde málimdedi, dep habarlaıdy QazAqparat Ǵylym jáne joǵary bilim mınıstrligine silteme jasap.

QR Prezıdenti janyndaǵy Ulttyq ǵylym akademııasynyń prezıdenti Kúnsulý Zakarıa eki eldiń joǵary oqý oryndary men ǵylymı akademııalarynyń arasyndaǵy yntymaqtastyqty nyǵaıtý mańyzyn atap ótti.

«Biz ǵalymdardyń halyqaralyq qatynasty ǵylym arqyly damytýdaǵy umtylysyn erekshe qoldaımyz. Qazaqstan ǵylym Akademııasy Qytaı ǵylym akademııasymen birlesip zertteý jobalaryn qolǵa alýǵa jáne oǵan jas ǵalymdardy tartýǵa daıyn», - dedi ol.

Qytaı ǵylym akademııasynyń vıtse-prezıdenti Jang Tao Qazaqstan ǵylym akademııasynyń prezıdenti men vıtse-prezıdentterin aspan asty eli akademııasynyń múshesi atanýǵa shaqyrdy.

«Biz qazaqstandyq áriptesterimizdi qytaı ǵylymynyń jetistikterimen tanystyrýǵa nıettimiz», - dedi Qytaı ǵylym akademııasynyń vıtse-prezıdenti. Sonymen qatar, ol Qazaqstan Ulttyq ǵylym akademııasynyń delegatsııasyn Qytaıda asyǵa kútetinin jetkizdi.

Sondaı-aq, eki el ǵalymdary matematıka jáne ómir týraly ǵylym salasyndaǵy zertteýlerge basa nazar aýdaratyndyǵyna toqtaldy.