Qazaqstan men Qytaı energetıkteri birlesken jobalardy iske asyrý barysyn talqylady
BEIJІŃ. QazAqparat - 5 sáýirde Beıjińde QR Energetıka vıtse-mınıstri Áset Maǵaýov pen QHR memlekettik energetıka basqarmasy tóraǵasynyń orynbasary Lı Fanchjýnnyń tóraǵalyq etýimen QR-QHR yntymaqtastyq komıtetiniń energetıka salasyndaǵy qazaqstandyq-qytaılyq yntymaqtastyq komıtetiniń 10-shi otyrysy ótti, dep habarlady Qytaıdaǵy «QazAqparat» HAA menshikti tilshisi.
Taraptar kishi komıtettiń 9-shy otyrysynda qabyldanǵan sheshimderdi iske asyrý nátıjelerin qarady. Budan basqa, munaı-gaz, atom energetıkasy, atom ónerkásibi salasyndaǵy ózara is-árekettiń jáne elektr energııasy, jańartylǵan energetıka salasyndaǵy yntymaqtastyqtyń aǵymdaǵy jaǵdaıy men perspektıvalary, birlesken jobalaryn iske asyrý barysy talqylandy. Otyrysqa QR Energetıka mınıstrligi, «KazTransGaz» UK» AQ, «Qazatomónerkásip» AQ, QHR-daǵy QR elshiliginiń ókilderi qatysty.
Qytaı tarapynan QHR Energetıka jónindegi memlekettik basqarma, Qytaı damý banki, memlekettik jáne jeke energetıkalyq kásiporyn qyzmetkerleri qatysty. Taraptar energetıka salasyndaǵy ekijaqty yntymaqtastyqtyń joǵary deńgeıin atap ótti, sondaı-aq birlesken energetıkalyq jobalardy sátti iske asyrýda senimdilik bildirdi.
Otyrys qorytyndysy boıynsha Hattamaǵa qol qoıyldy.
