Qazaqstan men Qytaı elektrondy saýdany birlesip damytady
Atap aıtqanda, qarjylandyrý men ınvestıtsııalar salasynda ulttyq valıýtalardyń kólemi artatyn bolady. Budan bólek, taraptar Qazaqstannyń Ulttyq banki men Qytaıdyń Halyq banki arasyndaǵy "teńge/ıýan" valıýtalyq svopy týraly kelisimdi ary qaraı iske asyrýǵa ýaǵdalasty. Osy oraıda qarjylandyrý men kepildik berýdiń ınnovatsııalyq ádisterin engizý, san alýan ınvestıtsııalyq alańdardy tıimdi paıdalaný, ınvestıtsııalar men nesıelerge kombınatsııa jasaý qajet. Sondaı-aq, Qazaqstan men Qytaı transshekaralyq elektrondy saýda salasynda ózara yntymaqtastyqty kúsheıtýge kelisti. Atalǵan salada birlesip áreket etý tetikteri ázirlenýi shart. Al tsıfrlyq ekonomıkany damytýǵa arnalǵan eki eldiń baǵdarlamalaryn ózara úndestirý josparlanǵan.
"Eki eldiń basshylary "Astana" Halyqaralyq qarjy ortalyǵyn iske qosý bastamasyn, sondaı-aq, "Astana" Halyqaralyq qarjy ortalyǵy, Jibek joly qory men Qytaı-Eýrazııa ekonomıkalyq yntymaqtastyq qory arasyndaǵy strategııalyq baılanysty damytýdy qoldaıdy. Aldaǵy ýaqytta Jibek joly qory "Astana" HQO bırja aktsıonerleri quramyna kirýi múmkin. Halyqaralyq qarjy ortalyǵy men Azııa ınfraqurylymdyq ınvestıtsııalar bankimen aradaǵy yntymaqtastyǵy kúsheıetin bolady", - delingen birlesken málimdemede.
Aıta keteıik, QR Prezıdenti Nursultan Nazarbaevtyń QHR-ǵa jasaǵan resmı sapary barysynda eki eldiń basshylary birlesken málimdemege qol qoıǵan bolatyn. BAQ ókilderine suhbat bergen Elbasy ulttyq valıýtamen saýda-sattyq júrgizý ne úshin qajet ekenin aıtty. Sondaı-aq, Prezıdent qytaılyq bıznesmenderge «Astana» halyqaralyq qarjy ortalyǵynyń jumysy jaıynda aıtyp berdi.
