Qazaqstan men Qytaı BUU QK aıasynda yntymaqtastyqty talqylady

BEIJІŃ. QazAqparat - Syrtqy ister mınıstriniń orynbasary Erjan Ashyqbaev bastaǵan Qazaqstan delegatsııasy Beıjińde ótken BUU Qaýipsizdik Keńesi aıasynda qazaq-qytaı SІM-aralyq yntymaqtastyq týraly keńeske qatysty, dep habarlaıdy «QazAqparat» HAA-nyń Qytaıdaǵy menshikti tilshisi.

«Qazaqstan - Qytaı úshin jaqsy dos jáne senimdi seriktes. Tatý kórshi jáne jan jaqty strategııalyq áriptes bolǵan Qytaı men Qazaqstan arasynda joǵary deńgeıli saıası senim ornaǵan. Biz birlese otyryp ekonomıkany damyttyq, qaýipsizdik salasynda qyzmet jasasyp kelemiz jáne tyǵyz mádenı baılanys ornatýdamyz», - dedi kezdesýde QHR Syrtqy ister mınıstriniń orynbasary Lı Baodýn.

Óz kezeginde, E.Ashyqbaev keńes 2017-2018 jyldarǵa arnalǵan BUU Qaýipsizdik Keńesiniń turaqty emes múshesi retinde Qazaqstandaǵy jumys bastalǵanǵa deıin bir aı ótkiziletinin atap ótti. Ol QR Syrtqy ister mınıstri Erlan Ydyrysovtyń atynan QHR Syrtqy ister mınıstri Van Iǵa arnalyp jazylǵan Astanada ótetin Shanhaı yntymaqtastyq uıymyna múshe elderdiń basshylary jınalatyn sammıttiń daıyndyǵy aıasynda ózine yńǵaıly kez kelgen ýaqytta Qazaqstanǵa kele berýi jáne  QHR Tóraǵasy Sı Tszınpınniń EKSPO-2017-ge qatysýy jazylǵan shaqyrtýdy tabystady.

SІM-aralyq keńes bastalmas buryn Erjan Ashyqbaev, QR-nyń QHR-daǵy Tótenshe jáne ókiletti elshisi Shahrat Nuryshev, qazaqstandyq dıplomattar men «Tszıntaı» murajaıynyń qyzmetkerleri «Chaoıan» Beıjiń ortalyq parkindegi Abaıdyń eskertkishine gúl shoqtaryn qoıdy.

Erjan Ashyqbaev bir kún buryn dóńgelek ústelde Qytaı qoǵamdyq ǵylym akademııasy Álemdik saıasat jáne ekonomıka ınstıtýtynyń sarapshylarymen kezdesti. 2017-2018 jyldarǵa arnalǵan BUU Qaýipsizdik Keńesiniń turaqty emes múshesi retinde Qazaqstannyń bolashaǵy talqylandy.