Qazaqstan men Qytaı aýyl sharýashylyǵy ónimderiniń eksporttyq partııasyna qoıylatyn talaptarǵa kelisti
Beıjińde ótip jatqan "Bir beldeý, bir jol" halyqaralyq yntymaqtastyqtyń joǵary deńgeıdegi ekinshi forýmy aıasynda Qytaıǵa eksporttalatyn astyq unynyń eksporttyq partııasyna qoıylatyn fıtosanıtarlyq talaptar (jańartylǵan) boıynsha, Qytaıdan Qazaqstanǵa eksporttalatyn úırek etine qoıylatyn ınspektsııalyq, karantındik jáne veterınarlyq-sanıtarlyq talaptar boıynsha hattamalarǵa, sonymen qatar Qazaqstanan Qytaıǵa et (sıyr jáne qoı eti) jáne et ónimderiniń eksportyna arnalǵan veterınarlyq sertıfıkatqa qol qoıyldy.
Qujattardy QR Aýyl sharýashylyǵy vıtse-mınıstri Gúlmıra Isaeva men QHR Bas keden basqarmasy tóraǵasynyń orynbasary Lı Go QR Premer-Mınıstriniń orynbasary Jeńis Qasymbek pen QHR Bas keden basqarmasynyń tóraǵasy Nı ıÝefenniń kelissózderi aıasynda rásimdedi.
"Biz júrgizgen ınspektsııanyń nátıjesinde otandyq 30 un tartý ónerkásibi (qazaqstandyq taraptyń kepilimen) jáne 4 et óndirýshi kásiporyn (qytaılyq ınspektsııa nátıjesi boıynsha) Qytaıǵa ónim jetkizýge quqyǵy bar kásiporyndardyń qytaılyq tizilimine engiziletin bolady", - dedi G.Isaeva.
Onyń atap ótýinshe, qazirgi ýaqytta taraptar maıly jáne astyq tuqymdas daqyldarǵa, shoshqa eti men sút ónimderine qatysty talaptardy kelisý baǵytynda jumys júrgizip jatyr.