Qazaqstan men Qytaı arasyndaǵy saýda aınalymy 9 aıda 22,5% ósken

BEIJІŃ.QazAqparat – Qazaqstan men Qytaıdyń taýar aınalymy 2022 jyldyń toǵyz aıynda 22,5%-ǵa ósip, 23,2 mlrd dollarǵa jetti. Bul týraly juma kúni ekijaqty qatynastarǵa arnalǵan brıfıng barysynda QHR-daǵy QR Elshisi Shahrat Nuryshev málim etti, dep habarlaıdy QazAqparat menshikti tilshisi.

Sh. Nuryshev osy jyldyń qańtar-qyrkúıek aılary aralyǵynda taýar aınalymy 22,5%-ǵa artyp, 23,2 mlrd dollardy quraǵanyn atap ótti.

QHR-daǵy QR Elshisiniń aıtýynsha, aýyl sharýashylyǵy salasyndaǵy yntymaqtastyq belsendi kezeńde tur.
«Agroónerkásip kesheni ónimderiniń saýda kólemi senimdi túrde ósýde. Qazaqstannyń 1100-den astam kásiporny óz ónimderin Qytaıǵa eksporttaýǵa quqyly», - dedi ol.

2015 jyldan bastap QR Aýyl sharýashylyǵy ónimderiniń 20 túrin Qytaı naryǵyna shyǵyrý úshin fıtosanıtarııalyq talaptar boıynsha hattamalarǵa qol qoıyldy.

2022 jylǵy 3 qańtarda QR men QHR arasyndaǵy dıplomatııalyq qatynastardyń ornaǵanyna 30 jyl toldy.