Qazaqstan men Qytaı arasyndaǵy radıoaktıvti qaldyqtardy ótkizbeý týraly qujat maquldandy

NUR-SULTAN. QazAqparat – Parlament Májilisiniń jalpy otyrysynda «Qazaqstan Úkimeti men Qytaı Úkimeti arasyndaǵy ıAdrolyq materıaldardy, radıoaktıvti materıaldardy, radıoaktıvti qaldyqtardy jáne radıatsııalyq-qaýipti zattardy zańsyz ótkizýdi bolǵyzbaýdaǵy ózara is-qımyl jónindegi kelisimdi ratıfıkatsııalaý týraly» zań jobasy maquldandy, dep habarlaıdy QazAqparat tilshisi.

«ıAdrolyq, radıoaktıvti materıaldardy, radıoaktıvti qaldyqtardy, radıatsııalyq qaýipti zattardy zańsyz ótkizýdiń aldyn alý maqsatynda kedendik baqylaý salasyndaǵy Taraptardyń yntymaqtastyǵyn keńeıtýge jáne tereńdetýge múmkindik beredi. Atap aıtqanda, zamanaýı tehnologııalardy engizý máseleleri boıynsha yntymaqtastyq, birlesken oqý-jattyǵýlar men oqytý semınarlaryn ótkizý eskerilgen. Ekinshiden, radıatsııalyq qaýipsizdikti qamtamasyz etý salasyndaǵy Taraptardyń halyqaralyq mindettemelerdi oryndaýyn qamtamasyz etýge múmkindik beredi. Osy oraıda, taraptardyń keden shekarasyndaǵy ótkizý pýnktterinde radıatsııalyq baqylaý júrgizý, azamattardyń radıatsııalyq qaýipsizdigin qamtamasyz etý qamtylǵan», - dedi QR Premer-Mınıstriniń orynbasary – Qarjy mınıstri Erulan Jamaýbaev.

Onyń aıtýynsha, úshinshiden, taraptar memleketteriniń zańnamasyna sáıkes, ákelýge tyıym salynǵan ıadrolyq, radıoaktıvti materıaldardy, radıoaktıvti qaldyqtardy, radıatsııalyq qaýipti zattardy ákelýge jol bermeýge múmkindik beredi. Bul turǵyda radıatsııa aıasy belgilengen normalardan asatyn taýarlar men kólik quraldaryn tasymaldaýǵa qatysty Taraptar memleketteri zańnamasynyń talaptary ákelý elinde saqtalmaǵan jaǵdaıda, mundaı taýarlardy ekinshi Tarap memleketiniń aýmaǵyna áketýge jol berilmeıdi.

«Taraptar ekinshi Taraptyń aýmaǵynan kelip túsken taýarlar men kólik quraldarynyń ıondaýshy sáýlelený deńgeıine qatysty aspaptar kórsetkishteriniń ártúrliligi anyqtalǵan jaǵdaıda, mundaı kórsetkishter anyqtalǵan ótkizý pýnktiniń aýmaǵynda birlesken radıatsııalyq baqylaý júrgizý múmkindigi Kelisimniń mańyzdy normasy bolyp otyr. Birlesken radıatsııalyq baqylaýdy júrgizý tártibin Taraptar memleketteriniń keden organdarynyń ókilderinen jáne oqý ortalyqtarynyń mamandarynan turatyn birlesken jumys toby aıqyndaıtyn bolady. Osy Kelisimdi ratıfıkatsııalaý Qazaqstan men Qytaı arasyndaǵy ıadrolyq materıaldardy, radıoaktıvti materıaldardy, radıoaktıvti qaldyqtardy jáne radıatsııalyq-qaýipti zattardy zańsyz ótkizýdi boldyrmaý rásimine qatysty máselelerdi neǵurlym naqty jáne neǵurlym tıimdi quqyqtyq retteýge yqpal etetin bolady. Kelisimdi iske asyrý respýblıkalyq bıýdjetten qarjylyq shyǵyndardy talap etpeıdi», - dedi mınıstr.