Qazaqstan men Qytaı 2 mlrd. dollarlyq «Jibek joly» ınvestıtsııalyq qoryn qurdy

ASTANA. QazAqparat - Qazaqstan men Qytaı kapıtalızatsııalyq kólemi 2 mlrd. dollar bolatyn «Jibek joly» ınvestıtsııalyq qoryn qurdy. Bul týraly Ortalyq kommýnıkatsııalar qyzmetinde ótken brıfıngte KAZNEX INVEST kompanııasynyń basqarma tóraǵasy Borısbıı Janǵurazov málim etti.

«Qazirgi ýaqytta ınvestıtsııalardy tartý boıynsha jumystar qarqyndy júrgizilip jatyr. Sonyń ishinde negizgi baǵyt - iri qytaılyq kompanııalarǵa úlken mán berilip keledi», - deıdi B.Janǵurazov.

Onyń aıtýynsha, Investıtsııalar komıteti, KAZNEX INVEST kompanııasy jáne QHR-daǵy Qazaqstan elshiligi úlken jumys atqarýda.

«Bıyl 20-28 qańtar aralyǵynda QR IDM basshysy Áset Isekeshev bastaǵan qazaqstandyq delegatsııa Beıjińde boldy, onda iri kompanııalarmen 20-ǵa jýyq kezdesý ótti. Onda iri ınvestorlardy elge tartý boıynsha talqylaýlar boldy. Qazirgi ýaqytta Qazaqstan men Qytaı arasynda ındýstrıaldy-ınvestıtsııalyq áriptestik baǵdarlamasy iske asyrylyp otyr. Búginde 24 mlrd. dollarǵa 52 jobanyń tizimi bar. Ol baǵdaralamaǵa túrli saladaǵy jobalar engen: agroónerkásiptik keshen, taý-ken, hımııalyq ónerkásip, metallýrgııa, mashına jasaý jáne taǵy basqalary. Bul baǵdarlama áleýeti joǵary jobalar portfeline qaraıtyn bolsaq, shamamen 19 myń jumys ornyn ashady. Baǵdarlama aıasynda transulttyq korporatsııalardy tartý jumystary da júrgizilip jatyr», - dedi basqarma tóraǵasy.

«Osyǵan baılanysty atalǵan jobalardy qarjylandyrýdy jolǵa qoıý úshin birlesken «Jibek joly» qory qurylyp otyr. Ol Qytaı ortalyq bankiniń bólimshesi men «KAZNEX INVEST» kompanııasynyń kelisimi negizinde quryldy. Jobalardy izdestirý jáne qurylymdaý boıynsha jumystardy qazaqstandyq «KAZNEX INVEST» kompanııasy júrgizedi.

Jobalardy qorǵaıtyn bolady. Al qarjylandyrý boıynsha naqty sheshimdi qytaılyq tarap sheshetin bolady. Qordyń jalpy kapıtalızatsııasy 2 mlrd. dollardy quramaq. Ekonomıkanyń túrli salalaryndaǵy, túrli óńirlerdegi jobalar qaralady», - dedi B.Janǵurazov.