Qazaqstan men Qyrǵyzstannyń ulttyq quramalary fýtboldan joldastyq kezdesý ótkizedi

Bul eki eldiń aıaqdopshylary arasynda sońǵy 20 jyldyń ishindegi altynshy kezdesý bolmaq. Onda qazaqstandyqtar 3 ret basym túsip, 2 ret teń túsip,  dop aıyrmashylyǵy boıynsha 6-1 esebimen qazaqstandyqtar alda kele jatyr.  

Jalpy Táýelsizdik jyldary olardyń tuńǵysh joldastyq kezdesýi 1992 jyly 26 qyrkúıekte Bishkekte ótip, esep 1:1 esebimen aıaqtalǵan edi. Endi olar 2006 jylǵy 6 shildede bolǵan sońǵy oıynnan keıin araǵa týra 6 jyl salyp qaıta kezdespek. Bul matchty ótkizý eki eldiń fýtbol federatsııalarynyń bas hatshylarynyń deńgeıinde sheshilgen.  Qazaqstan fýtbol federatsııasynyń saıtynda jarııalanǵan málimetke qaraǵanda, bastamanyń avtory ulttyq quramanyń  bas bapkeri Mıroslav Berenek.  Murat Jumakeev jattyqtyratyn Qyrǵyzstan ulttyq quramasynda Qazaqstannyń «Taraz» fýtbol klýbynda óner kórsetetin shabýylshy  Anton Zemlıanýhınnen ózge  oıynshylarynyń bári Qyrǵyz chempıonatynda óner kórsetedi. Bas bapker M. Jumakeev  qurama tizginin 2011 mamyr aıynda ustaǵan bolatyn.