Qazaqstan men Qyrǵyzstan syrtqy saıası vedomstvolardyń baılanysyn jandandyrady
ASTANA. QazAqparat - 9 qarashada Samarqanda Qazaqstan jáne Qyrǵyzstan syrtqy ister mınıstrleri Qaırat Ábdirahmanov pen Erlan Ábdildaev kezdesti, dep habarlaıdy QR SІM baspasóz qyzmeti.
Syrtqy saıası vedomstvolar basshylary óńirlik jáne ekijaqty yntymaqtastyqtyń ózekti tustaryn, Eýrazııalyq Ekonomıkalyq Odaq aıasyndaǵy ıntegratsııanyń kókeıkesti máselelerin talqylady.
Taraptar ekijaqty Qazaqstan-Qyrǵyzstan qarym-qatynastaryn nyǵaıtýǵa eki tarap ta múddeli ekenin jáne jınalyp qalǵan saýda-ekonomıkalyq máselelerdi jyldam sheshý qajettigin atap kórsetti.
Mınıstrler eki eldiń syrtqy saıası vedomstvolary jelisi boıynsha baılanystardy jandandyrýǵa kelisti.
Q. Ábdirahmanov pen E. Ábdildaev Samarqanda Ortalyq Azııadaǵy qaýipsizdik pen turaqty damýdy qamtamasyz etýge arnalǵan halyqaralyq konferentsııaǵa jáne kezekti «OA - Eýropa Odaǵy» dıalogyna qatysý úshin bardy.
