Qazaqstan men Qyrǵyzstan sý berý kestesin saqtamaý sebepterin talqylaıdy
«Qyrǵyzstanmen transshekaralyq ózender salasyndaǵy yntymaqtastyq Shý jáne Talas ózenderi boıynsha júzege asyrylady. Sý resýrstaryn bólý 1983 jylǵy erejelermen retteledi. Sondaı-aq 2000 jyldan bastap Shý jáne Talas ózenderinde memleketaralyq paıdalanýdaǵy sý sharýashylyǵy qurylystaryn paıdalaný týraly úkimetaralyq kelisim qoldanylady», - dedi ol Senat Tóraǵasynyń orynbasary Asqar Shákirovtiń tóraǵalyǵymen ótip jatqan Úkimet saǵatynda.
Onyń aıtýynsha, Qazaqstan osy kelisim boıynsha óz mindettemelerin tolyq kólemde oryndaıdy. Sonymen qatar qyrǵyz tarapy da Qazaqstanǵa negizinen Shý ózeniniń basseıninde ornalasqan memleketaralyq arnalar arqyly sý berý kestesin merzimdi túrde saqtamaıdy.
«Bizdiń óńir qazir sýy az tabıǵı kezeńge tap boldy. Óz kezeginde, sý berý kestesin saqtamaýdyń barlyq sebepteri aldaǵy qarasha aıynyń sońynda ótetin komıssııa otyrysynda talqylanady. Qazirgi ýaqytta sý berý kestesiniń buzylýyna jol bermeý maqsatynda kelesi jyldarǵa naqty sharalar qabyldanýda. Qazaqstan tarapy Kırov sý qoımasyndaǵy (Qyrǵyzstan) jóndeý jumystaryn aıaqtady. Bul sý qoımasyn jınaqtaý rejımine ótkizýge múmkindik berdi. Óz kezeginde osy jaıt kelesi vegetatsııalyq kezeńge qajetti sý kólemin jınaý úshin úlken septigin tıgizedi», - dedi Maǵzum Myrzaǵalıev.
