Qazaqstan men Qyrǵyzstan shekarasyndaǵy ótkizý pýnktteriniń orny aýysady
ASTANA. QazAqparat - Búgin Májilistiń jalpy otyrysynda palata depýtattary «2003 jylǵy 25 jeltoqsanyndaǵy Astana qalasynda qol qoıylǵan Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy Memlekettik shekara arqyly ótkizý pýnktteri týraly kelisimge ózgerister engizý týraly hattamany ratıfıkatsııalaý týraly» zań jobasy maquldandy.
Hattamaǵa sáıkes, Qazaqstan men Qyrǵyzstan ótkizý pýnktterine kóshirýge qatysty máseleler sheshimin tabady.
«Qoldanystaǵy kelisimdegi ótkizý pýnktteri naqty shekaradan jıyrma úsh shaqyrym jerde ornalasqan. Onda «Merke temirjoldyq» ótkizý pýnkti ornatylǵan. Osyǵan baılanysty ony «Shaldabar temirjoldyq» ótkizý pýnktine aýystyrý kózdeledi. Memlekettik shekaraǵa ótkizý pýnktteriniń tikeleı jaqyn ornalasýy shekarylyq baqylaýdy júzege asyrýdaǵy memlekettik shekaradan ótý syzbasyn ońaılatyp, qaýipsizdikti arttyrýǵa yqpal etedi», - dedi Investıtsııalar jáne damý mınıstri Áset Isekeshev.
Túıindeı aıtqanda, Qazaqstan men Qyrǵyzstan arasyndaǵy ótkizý pýnktteri Merke stantsııasynan Shaldabar stantsııasyna kóshiriletin bolady. Májilis maquldaǵan zań jobasy Senatqa joldanady.
