Qazaqstan men Qyrǵyzstan shekarasynda júk kólikteri shaqyrymdap kezekte tur

BІShKEK. QazAqparat – 23 tamyzda Qyrǵyz Respýblıkasynyń Qazaqstanǵa kiretin aýmaǵynda júk kólikteri shaqyrymdap kezekte tur, dep habarlaıdy QazAqparat menshikti tilshisi Qyrǵyz Respýblıkasy MUQK Shekara qyzmetiniń baspasóz qyzmetine silteme jasap.

Vedomstvonyń málimetinshe, 13:00-degi jaǵdaı boıynsha «Ak-Tilek-avtodorojnyı» baqylaý-ótkizý beketiniń aldynda 493 júk kóligi men «Ken-Býlýn-avtodorojnyı» baqylaý-ótkizý beketinde 146 kólik tur. Ótken táýlikte Qyrǵyzstannan Qazaqstanǵa 112 kólik quraly shyqty. Qyrǵyz tarapynan ótkizý pýnktteri kúndelikti rejımde jumys isteıtini atap ótildi.

Qyrǵyzstannyń Shý oblysynda «Aq-tilek-avtojol» BÓB aldynda shatyrly kómek pýnktteri ashyldy. Onda júrgizýshiler men júk tasymaldaýshylarǵa medıtsınalyq, psıhologııalyq, konsýltatsııalyq kómek kórsetiledi. Sondaı-aq ystyq tamaq berý jumysy uıymdastyrylady. Buǵan deıin Qyrǵyz Respýblıkasymen shekara ýchaskesinde 370-ten astam júk kóligi turǵany habarlanǵan bolatyn. Onyń sebebin QR Premer-Mınıstriniń orynbasary – Qarjy mınıstri Erulan Jamaýbaev aıtty.