Qazaqstan men Qyrǵyzstan shekaralyq baǵanalardy ornatýdy aıaqtady
ASTANA. QazAqparat - Senattyń Halyqaralyq qatynastar, qorǵanys jáne qaýipsizdik komıteti keńeıtilgen otyrysynda «Qazaqstan-Qyrǵyz memlekettik shekarasyn shegendeý týraly shartty ratıfıkatsııalaý» týraly zań jobasy qaraldy, dep habarlaıdy QazAqparat.
Eki el arasyndaǵy shekarany shegendeý týraly shartqa 2017 jylǵy 25 jeltoqsanda Astanada Qyrǵyz Respýblıkasy memleketi basshysynyń Qazaqstanǵa resmı sapary aıasynda Qazaqstan Prezıdenti Nursultan Nazarbaev jəne Qyrǵyz Prezıdenti Sooronbaı Jeenbekov qol qoıdy.
«Sharttyń basty maqsaty - Qazaqstan men Qyrǵyzstan arasyndaǵy shekara syzyǵyn halyqaralyq quqyqtyq deńgeıde bekitý. Shekarany shegendeý nátıjesinde memlekettik shekara syzyǵynyń uzyndyǵy 1257,07 shaqyrymdy qurady. Shekara syzyǵynda 1055 shekaralyq baǵana ornatyldy. ıAǵnı, 533-i Qazaqstan tarapymen, 522-si Qyrǵyzstan jaǵymen qoıyldy», - dedi QR Syrtqy ister mınıstriniń birinshi orynbasary Muhtar Tileýberdi.
Atap aıtqanda, shart merzimsiz bolyp tabylady ári denonsatsııalaýǵa jatpaıdy. Al sharttyń kúshine enýi Qazaqstannyń memlekettik shekarasynyń halyqaralyq quqyqtyq rásimdeý protsesiniń aıaqtalýyna, Qyrǵyzstanmen aýmaqtyq daýlardyń týyndaýynyń aldyn ala joıýǵa yqpal etedi.
«Qazaqstannyń syrtqy saıasatynyń negizgi baǵyttarynyń biri - elimizdiń ulttyq qaýipsizdigin qamtamasyz etýge múmkindik beretin memlekettik shekarany halyqaralyq quqyqtyq rásimdeý bolyp tabylady. Qalyptasqan geosaıası jaǵdaılarlar shekarany shegendeýdiń múmkindiginshe jaqyn merzimde aıaqtaý memleketimizdiń aýmaqtyq tutastyǵyna, shekaranyń myzǵymastyǵyna jáne el egemendigine týdyrýy múmkin qaýip-qaterlerdi boldyrmaý úshin erekshe ózekti bolyp tabylady», - dedi M. Tileýberdi.
Onyń sózine qaraǵanda, landshaftyń túrlenýine baılanysty shekaralyq baǵanalardyń ornalasýynda ózgerister bolýy múmkin. ıAǵnı, bul baǵanalar qulap jatsa, restavratsııaǵa ótkiziledi.
«Landshaft ózgerse de, shekaranyń syzyǵy eshqashan da qaıtadan qarastyrylmaıdy. Tek qana qısaıǵan shekaralyq baǵanalardy túzetý máseleleri belgilenedi», - dedi Muhtar Tileýberdi.
Talqylaýdan keıin, komıtet músheleri zań jobasyn Senattyń jalpy otyrysynda qarastyrýǵa jiberý týraly sheshimdi qabyldady.
