Qazaqstan men Qyrǵyzstan ózara saýda aınalymyn 1 mlrd dollarǵa jetkizýge nıetti
ASTANA. QazAqparat - Qazaqstan Respýblıkasynyń Úkimet basshysy Baqytjan Saǵyntaev Dýshanbe qalasynda Qyrǵyzstan premer-mınıstri Mýhammedkalyı Abylgazıevpen kezdesti, dep habarlaıdy QazAqparat «Kabar» agenttigine silteme jasap.
Ekijaqty kezdesý TMD Úkimet basshylary keńesiniń kezekti otyrysy aıasynda ótti.
«Qyrǵyzstan-Qazaqstan odaqtastyq qatynasy damý ústinde, belsendi saıası-ekonomıkalyq dıalog ornatylyp, barlyq deńgeıde baılanys jasalýda. Qazaqstanmen strategııalyq qarym-qatynastardy nyǵaıtý Qyrǵyzstannyń syrtqy saıasatynyń basymdyqtarynyń biri bolyp tabylady», - dep atap ótti Mýhammedkalyı Abylgazıev.
Qyrǵyzstannyń úkimet basshysy atap ótkendeı, eki el arasyndaǵy saýda-ekonomıkalyq baılanystardy nyǵaıtý jáne ekijaqty saýda-sattyqty damytý áleýeti zor.
«Bizdiń Prezıdentter ózara saýda aınalymyn 1 mlrd AQSh dollaryna jetkizý týraly tapsyrma berdi. Bul ózara saýda aınalymyn arttyrý jáne saýdadaǵy qazirgi kedergilerdi joıý úshin jaǵdaı jasaý maqsatynda tyǵyz yntymaqtastyq jasaýǵa jeteleıdi», - dedi ol.
Qazaqstan Premer-Mınıstri Baqytjan Saǵyntaev eki memleket basshylarynyń alǵa qoıǵan josparlary júzege asýy tıistigin atap ótti.
«Qazaqstandyq tarap ekijaqty qarym-qatynasty nyǵaıtýǵa jáne damytýǵa baǵyttalǵan kez kelgen bastamany árdaıym qoldaýǵa daıyn», - dedi Úkimet basshysy.
Kezdesý sońynda Qazaqstanda ótetin Qyrǵyzstan-Qazaqstan úkimetaralyq keńesiniń kezekti 7-shi otyrysyn premer-mınıstrlerdiń tóraǵalyǵymen ótkizý týraly ýaǵdalastyqqa qol jetkizdi.
Kezdesý barysynda taraptar ekijaqty yntymaqtastyqtyń ózekti máselelerin talqylady.
