Qazaqstan men Qyrǵyzstan óńiraralyq forým ótkizýdi josparlap otyr
«Biz saýda kedergilerin qysqartý boıynsha sharalar qabyldaýǵa ýaǵdalasyp, bıznes-kooperatsııalardy keńeıtý máselelerine tyńǵylyqty toqtaldyq. Búginde Qazaqstanda qyrǵyz kapıtalynyń qatysýymen 1,1 myńnan astam kásiporyn qyzmet etýde al Qyrǵyzstanda jumys istep jatqan qazaqstandyq kompanııalardyń sany 2 myńǵa jýyq», - dedi Memleekt basshysy.
Prezıdent bul kórsetkishter búginde artyp kele jatqanyn atap ótti.
«Eki eldiń iskerlik baılanystaryn qoldaý úshin kásipkerler turaqty negizde tikeleı baılanystardy qurýy turǵysynda bólek alańdy qurý týraly kelistik. Osy oraıda Qazaqstan men Qyrǵyzstannyń óńiraralyq forýmdaryn ótkizý tájirıbesin engizý qolaıly nusqalardyń biri bolar edi. Búgingi keńes barysynda osyndaı usynysty ortaǵa tastadym. Eki el úkimetterine bul usynysty pysyqtaý boıynsha tapsyrma berildi. Kún tártibinde ınvestıtsııalyq ózara is-qımyl erekshe oryndy alyp otyr. Búginde Qazaqstan Qyrǵyzstandaǵy eń iri ınvestorlardyń biri bolyp otyr. Táýelsizdik jyldarynda 1 mlrd dollardan astam ınvestıtsııa saldy. Qazaqstandyq ınvestorlar kóptegen mańyzdy salalarda qamtylǵanyn baıqadyq», - dedi Q. Toqaev.
