Qazaqstan men Qyrǵyzstan qarym-qatynasy basqalarǵa úlgi bolýy kerek - Nazarbaev

ASTANA. QazAqparat - Qazaqstan Prezıdenti Nursultan Nazarbaev Qyrǵyz Respýblıkasynyń Syrtqy ister mınıstri Erlan Abdyldaevpen kezdesti, dep habarlaıdy Aqordanyń baspasóz qyzmeti.

Kezdesý barysynda Qazaqstan men Qyrǵyzstannyń ózara is-qımylynyń basty baǵyttary jáne eki eldiń birlesken jumysynyń aldaǵy perspektıvaly salalary talqylandy.

Budan bólek, taraptar óńirlik jáne halyqaralyq kún tártibindegi ózekti jaıttar jóninde pikir almasty.

Nursultan Nazarbaev Qazaqstan men Qyrǵyzstandy tarıhı dostyq jáne tyǵyz yntymaqtastyq baılanystyryp otyrǵanyn atap ótti.

- Elderińiz bizdiń jaqyn kórshimiz ári seriktesimiz bolyp sanalady. Aramyzda eshqandaı sheshilmegen másele bolmaýǵa tıis jáne qarym-qatynasymyz basqalarǵa úlgi bolýy kerek. Álemdegi kúrdeli ekonomıkalyq jáne saıası ahýaldy eskere otyryp, birge bolýymyz qajet, - dedi Qazaqstan Prezıdenti.

E.Abdyldaev Qyrǵyzstan Prezıdenti A.Atambaevtyń sálemin jetkizip, ekijaqty yntymaqtastyqtyń odan ári nyǵaıa beretinine senim bildirdi.