Qazaqstan men Qyrǵyzstan birlesip kún elektr stansasyn salyp jatyr
Qyrǵyzstan Respýblıkasy jańartylatyn energııa kózderiniń joǵary áleýetine ıe, olardyń negizgi túrleri - sý energııasy, kún energııasy, jel jáne bıomassa energııasy.
Jańartylatyn energııa kózderin, atap aıtqanda kún energııasyn paıdalaný jobalarynyń biri – qazaqstandyq ınvestorlardyń Ystyqkól oblysynyń Torý-Aıǵyr aýylyndaǵy kún elektr stansasy.
2022 jyldyń jeltoqsan aıynyń sońynda «TehnoGrýppServıs» kompanııalar tobynyń enshiles uıymy qazaqstandyq jeke menshik TGS-Energy Limited kompanııasy jáne «TazaEnergy» JShS-niń enshiles uıymy Qyrǵyzstan Respýblıkasynyń 9lttyq energetıka holdıngi «Torý-Aıǵyr» kún elektr stansasynyń qurylysy boıynsha «Kýn býlaǵy» JShS-niń qyrǵyz-qazaqstandyq birlesken kásipornyn qurý jóninde jarǵylyq qujatqa qol qoıdy.
«TGS-Energy» málimetinshe, jobanyń maqsaty - Qyrǵyzstanda elektr energııasyn tutynýdyń ósimi jaǵdaıynda onyń tapshylyǵyn azaıtý úshin elektr energııasyn óndirýdi arttyrý, sondaı-aq jańartylatyn energııa kózderinen elektr energııasyn óndirýdi kóbeıtý.
Kún elektr stantsııasy qurylysynyń bas merdigeri - «TGS-Construction» JShS.
Qazirgi ýaqytta jobany iske asyrý bastapqy kezeńinde, kún elektr stansasyn salýǵa jer telimderi bólindi, jalpyǵa ortaq jelige qosylýdyń tehnıkalyq sharttary ázirlenip, jobalyq-izdený jumystary júrgizilýde.
Qyrǵyzstannyń «TazaEnergy» kompanııasynyń dırektory Iskender Beıshenalıev kún elektr stansasyn salý jobasy strategııalyq, sonymen qatar Qyrǵyzstan tarıhyndaǵy birinshi jáne eń iri joba ekenin atap ótti.
«Bul joba Qyrǵyzstannyń JEK áleýetin iske asyrýǵa jáne Ystyqkól aımaǵyn joǵary tehnologııalyq protsesterdi qajet etpeıtin ekologııalyq taza energııa kózimen qamtamasyz etýge múmkindik beredi. Búgingi tańda tıisti qujattardy jınaý jumystarynyń basym bóligi júrgizildi, jer telimin transformatsııalaý protsesi júrip jatyr, ony aǵymdaǵy jyldyń aqpan aıynyń sońyna deıin aıaqtaý kútilýde», - dep qosty ol.
Jobanyń jalpy qýaty shamamen 200 mln AQSh dollaryn quraıtyn 300 MVt. Qýaty 50 MVt bolatyn qurylystyń birinshi kezeńi 34,3 mln AQSh dollaryna baǵalanyp otyr.
Onyń ishinde joba qunynyń 20% «TGS-Energy» kompanııasynyń úlesine tıedi, qalǵan qarjylandyrý bank nesıesin tartý arqyly júzege asady.
SES-ke durys qyzmet kórsetý jaǵdaıynda onyń qyzmet etý merzimi 20 jyldan asady. Birinshi kezeńniń qurylysy 2023 jyldyń sońyna deıin aıaqtalady dep kútilýde.
Dástúrli energııa kózderimen salystyrǵanda Qyrǵyzstanda JEK engizý jáne paıdalaný energııa tapshylyǵyn azaıtýǵa jáne eldiń shalǵaı aýdandaryn damytýǵa, sondaı-aq qorshaǵan ortaǵa ekologııalyq zalaldyń deńgeıin aıtarlyqtaı tómendetýge múmkindik beredi.
Bul aýqymdy joba Qazaqstan men Qyrǵyzstannyń «jasyl» energetıka salasyndaǵy ekijaqty yntymaqtastyǵy úshin jańa múmkindikter ashyp, eki elge joǵary ekologııalyq standarttardy eskere otyryp, energııamen qamtamasyz etý máselelerin birlesip sheshýge múmkindik beredi.
Foto: Getty Images
