Qazaqstan men Qyrǵyzstan arasyndaǵy Jol kartasyna Elbasynyń arqasynda qol qoıyldy
ASTANA. QazAqparat - Qazaqstan Respýblıkasy men Qyrǵyz Respýblıkasynyń arasynda ekijaqty ekonomıkalyq yntymaqtastyq máseleleri boıynsha Jol kartasyna eń aldymen Nursultan Nazarbaevtyń dıplomatııalyq daryny men kóregendiginiń arqasynda qol qoıyldy. QR Prezıdenti janyndaǵy Qazaqstan strategııalyq zertteý ınstıtýty dırektorynyń orynbasary Sanat Kóshkinbaev osylaı dep pikirin bildirdi, dep habardaıdy «QazAqparat» HAA tilshisi.
«Qazaqstan men Qyrǵyzstan Úkimetteriniń Jol kartasyna qol qoıýy qazaqtandyq-qyrǵyzstandyq qatynastaǵy sońǵy ýaqytta qalyptasqan máselelerdi retteýde sózsiz aıtýly jetistik bolyp tabylady. Atap óterligi, qazaqstandyq basshylyq eń aldymen syrtqy saıasatta barlyq kórshiles eldermen ózara tıimdi qarym-qatynasqa, kórshilik tatýlastyqqa basa mańyz berip keledi. Bul bizdiń syrtqy saıasattyń negizi men qaǵıdaty», - deıdi «QazAqparat» agenttigine pikir bildirgen Sanat Kóshkinbaev.
Sarapshynyń aıtýynsha, Ujymdyq qaýipsizdik boıynsha shart uıymynyń (UQShU) sammıtiniń sońǵy kezdesýinde Memleket basshysy Nursultan Nazarbaev Qyrǵyzstannyń jańa saılanǵan Prezıdenti Sooronbaı Jeenbekovpen kezdesýde úlken dıplomatııalyq daryndylyǵyn tanytqan.
«Nursultan Nazarbaev qalaısha kez kelgen tyǵyryqtan op-ońaı shyǵyp ketýge bolatynyn kórsete bildi», - deıi ol.
Sarapshy óz sózinde Qazaqstan jáne Qyrǵyzstannyń saıası elıtalary men qoǵamynda týyndaǵan máselelerdi qalaı sheshýge bolatyny týraly suraq týyndap kelgenin aıtady.
«Qazaqstandyq kóshbasshyǵa ǵana tán máner, menińshe, «Nazarbaev stıli» degen ataýǵa kezdeısoq ıe bolmaǵan sekildi. Tez arada ózara tıimdi sheshimder usynyldy. Bul Qazaqstan Prezıdentiniń strategııalyq negizinde jatqan artyqshylyq. Ózara tıimdilik, dıalogtyq format, peıil Memleket basshysynyń dıplomatııalyq tájirıbesinde burynnan kele jatyr. Bul álemdik iri saıasatkerlerdiń qataryndaǵy Nursultan Nazarbaevtyń zor tájirıbesi», - deıdi Sanat Kóshkinbaev.
Onyń paıymdaýyna qaraǵanda, jańadan saılanǵan Qyrǵyzstan Prezıdenti óz tarapynan pragmatıkalyq turǵyda dıalog júrgizýge daıyn ekenin bildirgen.
«Ózderińiz biletindeı, bizdiń Úkimetter arasyndaǵy búgingi kezdesýdiń qorytyndysy boıynsha 50 pýnkten turatyn Jol kartasyna qol qoıyldy. Eń bastysy, shekaralyq baqylaýdyń jeńildetilgen tártibine aýyspaq bolǵan qyrǵyz tarapy shekaradaǵy baqylaý men jaýapkershiliktiń aıtarlyqtaı bóligin oryndaýdy moınyna alǵan. Osylaısha, qyrǵyz tarapy ekijaqty kezdesý barysynda Qazaqstannyń Qyrǵyzstanǵa qoıǵan talaptar tiziminiń tolyǵymen zańdylyǵyn quptap otyr. Ol talaptar shynynda da, zańdy, negizdi ári eshqandaı saıasılandyrylmaǵan bolatyn. Basqasha aıtqanda, bul máselelerdi ózara tıimdi tustardy esepke ala otyryp, kelisý negizinde sheshýge bolady», - deıdi sarapshy.
Sanat Kóshkinbaev Jol kartasynyń oryndalýy ekijaqty qarym-qatynasqa jańa serpin bere otyryp, kópjaqty formatta turaqtylyqqa, Eýrazııalyq ekonomıkalyq odaq aıasynda ekonomıkalyq baılanystyń bekýine jol ashady.
«Osy sheshimniń júzege asýy aınalyp kelgende eki jaqqa da tıimdi bolar dep senemiz. Eń bastysy - kelisim ózara tıimdi negizde qabyldandy. Jańa qyrǵyz bıligi osynaý pragmatıkalyq qaǵıdatty ustanar degen senimdemiz», - deıdi ol.
«Qazaqstan tarapynan menińshe, qoldan jasalǵan eshqandaı kedergiler bolmaıdy. Biz tipti eki eldiń qarym-qatynasynyń eń jandy tusyna kelgende kelisýge daıynbyz. Negizgi másele - endigi kezekte jaǵdaı eshqandaı saıasılandyrylmaı, is eki eldiń de paıdasyna negizdelýi tıis. Al eki eldiń arasynda múlde sheshilmeıtin másele joq. Bul anyq. Ár ýaqytta osylaı edi, Qazaqstan Prezıdenti aldaǵy ýaqytta solaı bolatynyn bildire kele, bul ustanym bizdiń syrtqy saıasatymyzdyń pragmatıkalyq turǵydaǵy negizi ekenin kórsetti», - deıdi sarapshy.
Sanat Kóshkinbaevtyń pikirine súıensek, bul úshin barlyq quqyqtyq jáne saıası sharalar jasalǵan.
«Demek, bul baǵytta, ásirese qazaqstandyq taraptan barlyǵy jasaldy. Sondyqtan, eki eldiń qarym-qatynasy qaıta túleı túser degen senimdemiz», - dep aıaqtady ol.
Eske sala ketsek, 30 qarashada Belarýs memleketine resmı issapary barysynda QR Prezıdenti Nursultan Nazarbaev qyrǵyz tarapynyń ótinishi boıynsha Qyrǵyzstan Prezıdenti Sooronbaı Jeenbekovpen kezdesý ótkizgen edi. Mınsktegi Qyrǵyzstan Prezıdentimen kezdesýdiń qorytyndysy boıynsha Nursultan Nazarbaevtyń tapsyrmasy negizinde 2017 jyldyń 2 jeltoqsanynda qazaqstandyq tarap Astanaǵa kelgen Qyrǵyz Respýblıkasynyń úkimettik delegatsııasymen kelissózder ótkizdi. Ekijaqty kezdesý barysynda QR Premer-Mınıstriniń birinshi orynbasary Asqar Mamın jáne Qyrǵyz Respýblıkasynyń vıtse-premer-mınıstri Tolkýnbek Abdygýlov ekijaqty ekonomıkalyq yntymaqtastyq máseleleri men shekaradaǵy jaǵdaı boıynsha Jol kartasyna qol qoıdy.
