Qazaqstan men Qyrǵyzstan arasyndaǵy shekarany ashý jóninde ázirge naqty sheshim qabyldanǵan joq - QR SІM
ASTANA. Mamyrdyń 17-si. QazAqparat /Ernur Aqanbaı / - Qazaqstan men Qyrǵyzstan arasyndaǵy shekarany ashýǵa baılanysty ázirge naqty sheshim qabyldanǵan joq. Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti,
dep habarlaıdy QazAqparat.
«Qazirgi kezde Qazaqstannyń jáne Qyrǵyzstannyń tıisti memlekettik organdary eki el arasyndaǵy shekarany ashý jóninde kelissózder júrgizýde. Ázirge naqty sheshim qabyldanǵan joq. Biraq ta shekarany taýar tasymaly úshin ashý máselesi óziniń sheshimin tabatyn bolady», dedi A. Ábdirahmanov.
Onyń aıtýynsha, bul máselemen Qazaqstan tarapynan Ulttyq qaýipsizdik komıtetiniń shekara qyzmeti aınalysýda. Bul rette kelissózder qarqyndy júrgizilýde jáne shekara arqyly ótetin tranzıttik júkterdi tasymaldaýdyń barynsha ıkemdi rejımi qarastyrylýda.
