Qazaqstan men Qyrǵyzstan arasyndaǵy kóshi-qon protsesin retteıtin zań jobasy ázirlenedi
NUR-SULTAN. QazAqparat – Qazaqstan men Qyrǵyz Respýblıkasynyń arasyndaǵy kóshi-qon salasyn retteýdi kózdeıtin zań jobasy ázirlenetin boldy, dep habarlaıdy QazAqparat tilshisi.
«Qazaqstan men Qyrǵyz Respýblıkasy Úkimeti arasyndaǵy kóshi-qon salasyndaǵy yntymaqtastyq týraly kelisim 2019 jyly 27 qarashada Bishkek qalasynda jasaldy. Kelisim kóshi-qon protsesterin retteýdi, qos azamattyq faktileriniń jolyn kesýdi, zańsyz kóshi-qonǵa qarsy kúresti uıymdastyrýdy kózdeıdi. Kelisimdi ratıfıkatsııalaý eki eldiń kóshi-qon salasyndaǵy yntymaqtastyǵynyń tıimdiligin arttyrady», - dedi zań jobasy jóninde Zańnama jáne sot-quqyqtyq reforma komıtetiniń tóraǵasy Qanat Mýsın Parlament Májilisiniń jalpy otyrysynda.
Onyń aıtýynsha, komıtet atalǵan zań jobasyn jumysqa alýǵa jáne ol boıynsha 2022 jylǵy 25 mamyrǵa deıin qorytyndy ázirleýge daıyn.
