Qazaqstan men Qyrǵyzstan arasynda avtomobılmen júk tasymaldaý 42% ósti
«2003 jyldyń 25 jeltoqsanynda Astana qalasynda Qazaqstan men Qyrǵyzstan arasyndaǵy halyqaralyq avtomobıl qatynasy týraly úkimetaralyq kelisim jasalǵan bolatyn. Sol kelisimniń aıasynda bıyl 5-6 qarasha kúnderi Avtomobıl kóligi máseleleri boıynsha Qazaqstan-Qyrǵyzstan aralas komıssııasynyń kezekti otyrysy ótti», - delingen habarlamada.
Onda taraptar jolaýshylar men júk tasymaldary máselelerin talqylady. Sondaı-aq, Qazaqstan Respýblıkasy men Qyrǵyz Respýblıkasy arasyndaǵy júk tasymaldarynyń kólemi týraly aqparatpen almasty jáne bıyl eki el arasynda júk tasymaldary kólemi ulǵaıýynyń oń dınamıkasyn atap ótti.
2018 jyldyń 8 aıynyń qortyndysy boıynsha Qazaqstan men Qyrǵyzstan arasynda avtomobıl kóligimen júk tasymaldary kólemi 42%-ǵa ósti, ıaǵnı 1 040,8 myń tonnany qurady. Avtomobıl kóligimen tasymaldanatyn negizgi júkter ósimdik sıpattaǵy ónimder, daıyn tamaq ónimderi, halyq tutynatyn taýarlar, qurylys taýarlary jáne t.b.
Kelissózder barysynda 500 úshinshi elderge/elderden jáne 30 jolaýshylardyń turaqsyz tasymaldaryna ruqsat blankileri kóleminde 2019 jylǵa kvota belgilendi.
Sonymen qatar, taraptar «Bishkek-Tashkent» tranzıttik jolaýshylar marshrýtynyń qozǵalys kestesin qaıta qaraýǵa kelisti.
Otyrys qorytyndysy boıynsha hattamaǵa qol qoıyldy.
