Qazaqstan men Koreıanyń 51 birlesken ónerkásiptik jobasy bar
ASTANA. KAZINFORM — Ersaıyn Naǵaspaev Koreıa Respýblıkasy Saýda, ónerkásip jáne resýrstar mınıstri Kım Chjon Kvanmen ónerkásiptik yntymaqtastyqty damytý máselelerin talqylady.
«S5+1» otyrysy aıasynda Qazaqstan Respýblıkasy Ónerkásip jáne qurylys mınıstri Ersaıyn Naǵaspaev Koreıa Respýblıkasy Saýda, ónerkásip jáne resýrstar mınıstri Kım Chjon Kvanmen ekijaqty kelissózder júrgizdi.
Taraptar 2026 jyldyń alǵashqy 6 aıynda $1,3 mlrd-qa jetken taýar aınalymynyń ósim dınamıkasyn atap ótti. Ónerkásiptik kooperatsııa portfeline 51 birlesken joba kiredi, onyń ishinde 23 óndiris iske qosylyp, 4,4 myń jumys orny quryldy.
Qazaqstannyń avtomobıl jasaý salasyn damytýda Qostanaı oblysyndaǵy KIA jáne Almaty oblysyndaǵy Hyundai brendteri avtokólikterin óndirý jobalaryna zor mańyz berilgen. Kelissózder barysynda mınıstrler óndiristerdi odan ári lokalızatsııalaý jáne avtomobılderdiń modeldik qataryn keńeıtý perspektıvalaryn atap ótti.
Sondaı-aq lıft óndirisi salasynda ǵylymı-zertteý parkin qurý jobasyn júzege asyrý úshin qazaq-koreı kásiporynyn iske qosý perspektıvalary talqylandy. Buǵan deıin ońtústikkoreıalyq tarap osy jobaǵa grant bólgen bolatyn.
Kelissózder qorytyndysy boıynsha mınıstrler barlyq negizgi baǵytta ekijaqty baılanystardy damytý jáne nyǵaıtýǵa nıetti ekenderin rastady.
Aıta ketelik Koreıa Qazaqstanda qandaı jobalarǵa qatysyp jatqany týraly jazǵan edik.
