Qazaqstan men Koreıa jańa birlesken jobalardy iske asyrýǵa nıetti
ASTANA. KAZINFORM — Roman Sklıar Koreıa Respýblıkasynyń Prezıdent Ákimshiligi basshylyǵymen jáne saýda mınıstrimen Úkimetaralyq komıssııanyń kezekti otyrysyna daıyndyq máselesin talqylady. Bul týraly Úkimettiń baspasóz qyzmeti habarlady.
Premer-mınıstrdiń birinshi orynbasary Roman Sklıar Koreıa Respýblıkasy Prezıdentiniń arnaýly ókili – Prezıdent Ákimshiliginiń basshysy Kan Hýn Shıkpen jáne Koreıa Respýblıkasynyń saýda, ónerkásip jáne resýrstar mınıstri Kım Chon Kvanmen kezdesti.
Kelissózder barysynda taraptar saýda-ekonomıkalyq jáne ınvestıtsııalyq yntymaqtastyqqa, sondaı-aq energetıka jáne ónerkásip salalaryndaǵy birlesken jobalardy júzege asyrýǵa basa nazar aýdara otyryp, ekijaqty yntymaqtastyqtyń qazirgi jaǵdaıy men damý perspektıvalaryn talqylady.
Investıtsııalyq yntymaqtastyqty keńeıtý perspektıvalary, sonyń ishinde koreıalyq kompanııalardyń munaı-gaz jobalaryna, taý-ken jáne metallýrgııa ónerkásibine, sondaı-aq ıadrolyq energetıkany damytýǵa qatysýy talqylandy.
Taraptar Úkimetaralyq komıssııanyń kelesi otyrysyna daıyndyq máselelerin talqylady.
Kezdesý qorytyndysy boıynsha strategııalyq seriktestikti odan ári nyǵaıtýǵa jáne birlesken bastamalardy júzege asyrýǵa ózara mindetteme rastaldy.
Aıta ketelik Qasym-Jomart Toqaev Koreıa Respýblıkasy Prezıdentiniń arnaýly ókili – Prezıdent Ákimshiliginiń basshysy Kan Hýn Shıkti qabyldaǵan edi.
