Qazaqstan men Koreıa jańa birlesken jobalardy iske asyrýǵa kelisti
ASTANA. KAZINFORM - Qazaqstan Respýblıkasy Premer-mınıstriniń birinshi orynbasary Nurlybek Nálibaev Koreıa Respýblıkasynyń Saýda, ónerkásip jáne resýrstar mınıstri Kım Chjon Kvanmen kezdesti, dep habarlaıdy Úkimettiń baspasóz qyzmeti.
Kezdesý barysynda taraptar ekijaqty saýda-ekonomıkalyq jáne ınvestıtsııalyq yntymaqtastyqtyń qazirgi jaı-kúıi men ony odan ári damytý perspektıvalaryn talqylady. Ásirese ónerkásip jáne energetıka salalaryndaǵy ózara is-qımyldy keńeıtý máselelerine basa nazar aýdaryldy.
Nurlybek Nálibaev Qazaqstan men Koreıa arasyndaǵy qarym-qatynastardyń qarqyndy damyp kele jatqanyn atap ótip, elimizdiń Koreıa Respýblıkasymen ózara tıimdi seriktestikti odan ári nyǵaıtýǵa múddeli ekenin jetkizdi.
Óz kezeginde mınıstr Kım Chjon Kvan ónerkásiptik kooperatsııany damytýǵa, ınvestıtsııa tartýǵa jáne atom energetıkasy salasyndaǵy yntymaqtastyqty keńeıtýge baǵyttalǵan birlesken jobalardy júzege asyrýǵa daıyn ekenin bildirdi.
Qos tarapta saýda-ekonomıkalyq jáne ǵylymı-tehnıkalyq yntymaqtastyq jónindegi Qazaqstan-Koreıa birlesken komıssııanyń mańyzyn atap ótti. Atalǵan komıssııanyń 11-shi otyrysy 2026 jylǵy 8 maýsymda Astana qalasynda ótti.
Kezdesýdiń qorytyndysy boıynsha taraptar keńeıtilgen strategııalyq áriptestikti odan ári nyǵaıtýǵa jáne birlesken bastamalardy júzege asyrýǵa ózara daıyndyǵyn rastady.
Osyǵan deıin Qazaqstan men Koreıamen energetıka salasynda áriptestikti keńeıtetini týraly jazdyq.
