Qazaqstan men Koreıa strategııalyq áriptestikti jańa jobalarmen keńeıtpek
ASTANA. KAZINFORM — QR SІM-de Koreıa Respýblıkasymen strategııalyq áriptestikti odan ári damytý máseleleri talqylandy.
QR Syrtqy ister mınıstriniń orynbasary Arman Isaǵalıev Koreıa Respýblıkasy Syrtqy ister mınıstrliginiń Soltústik-Shyǵys jáne Ortalyq Azııa Bıýrosynyń Bas dırektory Nam Djınmen kezdesti.
Kezdesý barysynda eki el arasyndaǵy saıası dıalogtyń, saýda-ekonomıkalyq jáne mádenı-gýmanıtarlyq yntymaqtastyqtyń dáıekti damýy atalyp ótti.
A. Isaǵalıev Qazaqstannyń ekijaqty kún tártibin ónerkásiptik kooperatsııa, jasandy ıntellekt, ınfraqurylym, bilim berý jáne basqa da perspektıvaly baǵyttardaǵy naqty ári ózara tıimdi jobalarmen odan ári keńeıtýge múddeli ekenin atap ótti.
Koreı tarapy, óz kezeginde, is-júzinde ózara is-qımyldy jandandyrýǵa jáne ortaq basymdyqtardy ilgeriletý maqsatynda saıası dıalogtyń joǵary deńgeıin saqtaýǵa daıyn ekenin rastady.
«Ortalyq Azııa — Koreıa Respýblıkasy» yntymaqtastyq forýmy sheńberindegi ózara is-qımylǵa erekshe nazar aýdaryldy.
— Kezdesý qorytyndysy boıynsha taraptar bıik jáne joǵary deńgeılerdegi ekijaqty jáne kópjaqty is-sharalardy daıyndaý boıynsha tyǵyz úılestirýdi jalǵastyrýǵa ýaǵdalasty, — delingen habarlamada.
Budan buryn Koreıanyń Ulttyq baleti Astanada «Korsardyń» jańasha nusqasyn usynatynyn jazǵanbyz.
