Qazaqstan men Koreıa memlekettik satyp alý boıynsha memorandýmǵa qol qoıdy
ASTANA. QazAqparat - Astana qalasynda 8 qarashada Ońtústik Koreıanyń memlekettik satyp alý qyzmetiniń ókilderimen kezdesý barysynda osy sala boıynsha Qazaqstan men Koreıa arasynda ózara yntymaqtastyq týraly memorandýmǵa qol qoıyldy, dep habarlaıdy QR QM baspasóz qyzmeti.
Іs-sharanyń maqsaty - Koreıa Respýblıkasynyń elektrondyq memlekettik satyp alý júıesin zerdeleý, sondaı-aq memlekettik satyp alý salasynda ózara yntymaqtastyq memorandýmyna qol qoıý.
Osy is-sharany ótkizý Koreıa Respýblıkasynyń elektrondyq satyp alý júıesiniń joǵary damý deńgeıine baılanysty qazirgi kezde osy eldiń elektrondyq memlekettik satyp alýdy júrgizý jónindegi tájirıbesi álemdegi eń aldyńǵy qatarly bolyp tabylady. Ońtústik Koreıanyń barlyq memlekettik satyp alý rásimderi, saýda-sattyq, kelisim-shart jasaý, jetkizý jáne oǵan aqy tóleýdi qosa alǵanda KONEPS (Korean on-line electronic Procurement Service) júıesi arqyly ótkiziledi.
Aǵymdaǵy jylǵy qazanda Seýl qalasynda (Ońtústik Koreıa) elektrondyq memlekettik satyp alý boıynsha Azııa-Tynyq muhıty óńiriniń 2-shi Konferentsııasy barysynda memlekettik satyp alý salasynda Qazaqstan Respýblıkasy men Ońtústik Koreıa Respýblıkasy ózara yntymaqtastyq týraly ýaǵdalasty.
Qazaqstan Respýblıkasynda memlekettik satyp alý júıesi Ult josparynyń 56-qadamyn iske asyrý sheńberinde ázirlengen Memlekettik satyp alý týraly» Zańymen retteledi jáne 2016 jylǵy 1 qańtardan bastap qoldanysqa engizilgen.
Sarapshylardyń pikiri boıynsha zań quqyq qoldaný tájirıbesin jáne halyqaralyq tájirıbeni esepke ala otyryp, memlekettik satyp alý júıesiniń tıimdiligin jasaqtaýǵa baǵyttalǵan.
Jetildirilgen zańnamaǵa sáıkes áleýetti ónim berýshiniń konkýrsqa qatysýǵa ótinimdi berýinen bastap tapsyrys berýshi men jeńimpaz arasynda memlekettik satyp alý týraly shartqa qol qoıý rásimine deıin memlekettik satyp alýdyń barlyq rásimderi elektrondyq formatta júzege asyrylady.
Osy jańashyldyq memlekettik satyp alý rásimin jeńildetedi, óıtkeni áleýetti ónim berýshiler usynatyn jáne memlekettik satyp alýdy uıymdastyrýshylar qaraıtyn barlyq qajetti qujattar web-portalda qalyptastyrylady.
Osy shara sondaı-aq memlekettik satyp alý protsesiniń ashyqtyǵy men aıqyndyǵyn arttyrýǵa baǵyttalǵan.
Tehnıkalyq erekshelikterdiń jobasyn aldyn ala talqylaý ınstıtýtyn qalyptastyrý jańashyldyqtardyń taǵy da biri bolyp tabylady.
Endi tehnıkalyq erekshelikti aldyn ala talqylaý bekitýdiń onyń mindetti sharty bolyp tabylady. Osy shara áleýetti ónim berýshilerge tehnıkalyq erekshelikterdiń jobasymen aldyn ala tanysýǵa jáne shart jobasynda básekelestikke qarsy talaptar bolǵan jaǵdaıda tapsyrys berýshiniń nemese baqylaýshy organdardyń atyna shaǵym túsirýge múmkindik beredi.
Konkýrsty jáne aýktsıondy ótkizý tártibi jeńildetilgen. Konkýrsqa qatysýǵa ótinim jáne baǵa usynysy birge beriledi. Bul konkýrsty ótkizý kezeńderin qysqartýǵa múmkindik beredi, sondaı-aq tapsyrys berýshiniń laýazymdy tulǵalarynyń teris paıdalanýyna múmkindik beretin faktilerdi joıady.
Qazaqstan Respýblıkasynyń baıqaýshy mártebesin alýǵa resmı ótinimi DSU Memlekettik satyp alý komıtetiniń kezekti otyrysy sheńberinde biraýyzdan daýys berý arqyly 2016 jylǵy 19 qazanda maquldandy.
Qazirgi kezde (aǵymdaǵy jylǵy 7-8 qarasha) Astana qalasynda QR Qarjy mınıstrligi DSU Hatshylyǵy Eýropa Qaıta Qurý jáne Damý Bankimen (EQQDB) birlesip Memlekettik satyp alý boıynsha Ulttyq semınardy ótkizedi. Іs-sharalar barysynda qoǵamdyq uıymdardyń, bıznes-qaýymdastyqtardyń jáne memlekettik organdardyń ókilderi Dúnıejúzilik Saýda Uıymynyń (DSU) Memlekettik satyp alý jónindegi kelisiminiń erejelerimen jáne talaptarymen tanysady.
