Qazaqstan men Koreıa mádenı-gýmanıtarlyq baılanystardy keńeıtýge ýaǵdalasty
ASTANA. KAZINFORM – Almaty qalasynda Qazaqstan Respýblıkasynyń Syrtqy ister mınıstrligine qarasty «Otandastar qory» men Koreıa Respýblıkasynyń Sheteldegi koreıler isteri jónindegi agenttigi arasynda yntymaqtastyq týraly memorandýmǵa qol qoıyldy.
Atalǵan qujat eki el arasyndaǵy gýmanıtarlyq saladaǵy ózara is-qımyldy damytyp, dıasporamen jumys baǵytynda tájirıbe almasýǵa jańa múmkindikter ashady. Sonymen birge, bul qujat Sheteldegi koreıler isteri jónindegi agenttiktiń sheteldik áriptesterimen jasaǵan alǵashqy halyqaralyq kelisimi bolyp otyr.
Memorandým aıasynda sheteldegi otandastardy qoldaý, olardyń ulttyq biregeıligin nyǵaıtý jáne jańa birlesken jobalardy júzege asyrýǵa negiz qalandy.
Іs-shara barysynda «Koreıa men Ortalyq Azııa elderiniń damý bolashaǵy» atty ǵylymı semınar uıymdastyryldy. Onda eki eldiń ǵylymı jáne sarapshylyq qaýymdastyq ókilderi mádenı-gýmanıtarlyq baılanystardy damytý, dıasporalardyń áleýetin arttyrý jáne jańa seriktestik jobalardy júzege asyrý máselelerin talqylady.
Bul kelisim men semınar Qazaqstan men Koreıa Respýblıkasynyń gýmanıtarlyq saladaǵy yntymaqtastyǵyn kúsheıtip, mádenı-gýmanıtarlyq baılanystardy damytýdaǵy jańa kezeńdi bastap berdi.
Aıta keteıik, Koreıada zańsyz júrgen qazaqstandyqtarǵa qatysty baqylaý kúsheıedi.