Qazaqstan men Koreıa birlesip, et buqtyratyn tseh salady
ASTANA. KAZINFORM – Qazaqstan men Ońtústik Koreıa elimizde et buqtyratyn birlesken tseh salý týraly kelisimge keldi. Jobanyń jalpy ınvestıtsııalyq quny 1,3 mln AQSh dollaryn quraıdy, dep habarlaıdy QR Saýda jáne ıntegratsııa mınıstrligi.
Tıisti kelisim Almatyda ótken Qazaqstan-Koreıa bıznes forýmy aıasynda jasaldy. Qazaqstan tarapynan jobany Samsar Investment júzege asyrady.
Budan bólek, Qazaqstan Ońtústik Koreıaǵa jalpy quny 13 mln AQSh dollaryn quraıtyn 1 myń tonna sıyr etin eksporttaýdy josparlap otyr. Sondaı-aq Samsar Investment kompanııasy aı saıyn 3 myń tonna tazartylǵan kúnbaǵys maıyn Koreıa naryǵyna jetkizý týraly kelisimge keldi.
Jalpy forým qorytyndysy boıynsha quny 54,8 mln AQSh dollaryn quraıtyn kommertsııalyq qujattarǵa qol qoıyldy. Іs-sharaǵa eki elden 200-den astam bıznes ókili qatysty.
Bıznes forýmǵa 55 jyl buryn qurylǵan Koreıa ımporttaýshylar qaýymdastyǵy (KOIMA) júzge jýyq bıznes ókilinen quralǵan delegatsııamen arnaıy kelgen.
Kezdesý bıyl maýsym aıynda Seýlde ótken Korea Import Expo 2026 kórmesiniń jalǵasy boldy. Atalǵan kórmege Qazaqstannyń aýyl sharýashylyǵy jáne tamaq ónerkásibi salasynda jumys isteıtin 15 kompanııa qatysqan. Nátıjesinde koreıalyq bıznes tarapynan qazaqstandyq aýyl sharýashylyǵy ónimderine qyzyǵýshylyq artqan.
– Qazaqstan tek tabıǵı resýrstarǵa baı memleket qana emes, sonymen qatar Eýropa men Azııany baılanystyratyn mańyzdy ekonomıkalyq jáne logıstıkalyq ortalyq. Energetıka, ónerkásip jáne strategııalyq mańyzy bar paıdaly qazbalar salalaryndaǵy artyqshylyqtarymen qatar, aýyl sharýashylyǵy men tamaq ónerkásibiniń turaqty damýy Qazaqstanǵa Koreıa Respýblıkasyna taýar jetkizý tizbekterin ártaraptandyrý jáne nyǵaıtý úshin aıtarlyqtaı múmkindikter beredi, – dedi Koreıa ımporttaýshylar qaýymdastyǵynyń (KOIMA) tóraıymy En Mı ıÝn.
Qazaqstan men Ońtústik Koreıa arasyndaǵy saýda aınalymy da artyp keledi. 2025 jyly eki el arasyndaǵy taýar aınalymy 3,17 mlrd AQSh dollaryn qurap, 2024 jylmen salystyrǵanda 1,3%-ǵa ósti.
Al 2026 jyldyń qańtar-maýsym aılarynda Qazaqstan men Ońtústik Koreıa arasyndaǵy taýar aınalymy 1,3 mlrd AQSh dollaryna jetti. Osy kezeńde Qazaqstan ónimderiniń Koreıaǵa eksporty 17,2%-ǵa artqan.
– Koreıa Respýblıkasy – Qazaqstannyń mańyzdy saýda-ekonomıkalyq seriktesi. Bizdiń elderimiz arasyndaǵy 1992 jyldan beri qalyptasqan dıplomatııalyq jáne saýda-ekonomıkalyq baılanystar ózara senim men yntymaqtastyq negizinde damyp keledi. Biz úshin saýda kólemin ulǵaıtý ǵana emes, sonymen qatar daıyn ónimder men qosylǵan quny joǵary taýarlar eksportyn arttyrý mańyzdy, – dedi Saýda jáne ıntegratsııa vıtse-mınıstri Aıdar Ábildabekov.
Resmı bıznes forýmnyń sońynda qazaqstandyq ónimderdiń kórmesi uıymdastyrylyp, koreıalyq bıznes delegatsııa úshin otandyq et ónimderiniń degýstatsııalyq keshki asy ótti. Merkidegi Terra JShS qonaqtarǵa sıyr jáne qoı etinen daıyndalǵan steıkter usyndy.
Kórmege Arba Wine, «Gold Prodýkt», «Almatınskıı prodýkt», Lemonadoff, Elimay Qymyz, «Táp-tátti», «Býrnenskaıa molochnaıa kompanııa», «Vkýs Blagostı», «Merke Et», Terra, Fresh Milk, Honey100%, «Baıan-Sulý», «Alans» jáne basqa da qazaqstandyq kompanııalardyń ónimderi qoıyldy.
Aıta keteıik, «Alataý-qus» asyl tuqymdyq bazany damytýǵa 6,5 mlrd teńge ınvestıtsııa salady.
