Qazaqstan men Koreıa arasyndaǵy ishki korporatıvtik aýysýlar sheńberindegi eńbek qyzmeti týraly kelisim qabyldandy - Senat
ASTANA. QazAqparat - Búgin QR Parlamenti Senatynyń jalpy otyrysynda «Qazaqstan Respýblıkasynyń Úkimeti men Koreıa Respýblıkasynyń Úkimeti arasyndaǵy Koreıa Respýblıkasyndaǵy Qazaqstan Respýblıkasy azamattarynyń jáne Qazaqstan Respýblıkasyndaǵy Koreıa Respýblıkasy azamattarynyń ishki korporatıvtik aýysýlar sheńberindegi ýaqytsha eńbek qyzmeti týraly kelisimdi ratıfıkatsııalaý týraly» QR Zańy qabyldandy.
Qazaqstan men Koreıa arasyndaǵy kelisim 2014 jyldyń 26 qyrkúıeginde Nıý-Iork qalasynda jasalǵan. Qujat bir memleket azamattarynyń ekinshi memleket aýmaǵyndaǵy korporatıvishilik aýysýlar sheńberindegi ýaqytsha eńbek qyzmeti máselelerin retteıtin bolady. Azamattar korporatıvishilik aýysýlar týraly jazbasha kelisimge sáıkes, basqa memleket aýmaǵynda qurylǵan zańdy tulǵa ókildikterine, fılıaldaryna, enshiles jáne úlestes uıymdaryna osy zańdy tulǵadan ýaqytsha aýysady.
Bul rette joǵaryda atalǵan azamattardyń aýysý kezinde osy zańdy tulǵada keminde eki jyl úzdiksiz jumys ótili bolýy qajet. Sonymen qatar, osy sanattaǵy azamattar men olardyń otbasy músheleri úshin ruqsattyń qoldanylý merzimine vızalar beriledi.
Zańnyń qabyldanýy transulttyq kompanııalardyń joǵary bilikti mamandaryn ındýstrııalandyrý jáne ınnovatsııalyq tehnologııalardy damytý salalaryna ońaılatylǵan túrde tartýǵa yqpal etedi.
