Qazaqstan men Kongo qorǵanys sektorynda yntymaqtasýǵa nıetti

ASTANA. KAZINFORM – Qazaqstan men Kongo áskerı-ónerkásip ksheni men qorǵanys sektorynda yntymaqtastyq ornatýǵa nıetti. Bul týraly Aqordada Ónerkásip jáne qurylys mınıstri Qanat Sharlapaev aıtty.

Onyń atap ótýinshe, Kongo Respýblıkasynyń Prezıdenti Denı Sassý-Ngessony Qazaqstanǵa resmı sapary aıasynda saýytty mashınalar jasaıtyn otandyq zaýytqa barady.

«Bul — barynsha aldyńǵy qatarly óndiris oshaǵy. Árıne, biz áskerı-ónerkásip kesheni men qorǵanys sektoryndaǵy kooperatsııany únemi qoldaımyz. Sondyqtan da osy maqsatta atalǵan kásiporyndy jáne Qazaqstannyń áskerı-ónerkásip kesheni jumysyndaǵy múmkindikterin kórsetemiz», — dedi Qanat Sharlapaev.

Aıta keteıik, búgin Memleket basshysy Qasym-Jomart Toqaev Astanaǵa resmı saparmen kelgen Kongo Respýblıkasynyń Prezıdenti Denı Sassý-Ngessony Aqordada qarsy aldy.