Qazaqstan men Qytaıdyń sport salasyndaǵy basshylary Harbınde kezdesti
ASTANA. KAZINFORM – Qazaqstan ulttyq olımpıadalyq komıtetiniń prezıdenti Gennadıı Golovkın men QR Týrızm jáne sport mınıstri Erbol Myrzabosynov Qytaı Halyq Respýblıkasynyń (QHR) Bas memlekettik dene shynyqtyrý jáne sport basqarmasynyń mınıstri, Qytaı Olımpıadalyq komıtetiniń prezıdenti jáne Halyqaralyq ýshý federatsııasynyń basshysy Gao Chjıdanmen kezdesti.
Kezdesý Harbın-2025 qysqy Azııa oıyndaryn uıymdastyrý komıtetiniń resmı qabyldaýy aıasynda ótti.
Taraptar eki el arasyndaǵy sportty damytý salasyndaǵy yntymaqtastyq úshin ózara alǵys bildirip, ony odan ári nyǵaıtýǵa nıetti ekenderin málimdedi.
Qazaqstandyq delegatsııa Qytaı ókilderine qonaqjaılylyq úshin rızashylyǵyn bildirip, ashylý rásimine shaqyrǵany jáne Azııa oıyndaryn joǵary deńgeıde uıymdastyrǵany úshin alǵys aıtty.
– Mundaı aýqymdy keshendi jarystardy ótkizý árdaıym úlken jaýapkershilikti talap etedi. Harbın-2025 qysqy Azııa oıyndarynyń uıymdastyrýshylaryna qonaqjaılylyǵy men úılesimdi jumysy úshin alǵysymyzdy bildiremiz. Biz oıyndardyń basynan beri osyndamyz jáne uıymdastyrý komıtetiniń óz mindetterin úlken jaýapkershilikpen oryndap jatqanyn kórip otyrmyz. Muny logıstıkalyq qamtamasyz etýden bastap, tehnıkalyq qoldaý deńgeıi men eriktilerdiń úılesimdi áreketterinen anyq baıqaýǵa bolady, - dedi Gennadıı Golovkın.
Eske sala keteıik, IX qysqy Azııa oıyndary-2025 Harbınde 7-14 aqpan aralyǵynda ótýde. Qazirgi tańda Qazaqstan quramasynyń qorjynynda toǵyz júlde bar: bir altyn, bes kúmis jáne úsh qola medal.