Qazaqstan men Qytaı ıadrolyq otyn óndirisindegi yntymaqtastyqty nyǵaıtpaq
ASTANA. KAZINFORM — Qazaqstan Respýblıkasynyń delegatsııasy QHR-daǵy CNNC kásiporyndarynyń ozyq tehnologııalarymen tanysty.
Qytaı Halyq Respýblıkasyna jumys sapary aıasynda Qazaqstan Respýblıkasynyń delegatsııasy Qazaqstan Respýblıkasy Atom energııasy agenttiginiń tóraǵasy Almasadam Sátqalıevtiń basshylyǵymen ýran óndirý jáne ıadrolyq otyn óndirý salasynda qyzmet atqaratyn CNNC korporatsııasynyń óndiristik nysandarynda boldy.
Baǵdarlamanyń negizgi tarmaqtarynyń biri Іshki Mońǵolııa avtonomııalyq aýdanyndaǵy Ordos ýran provıntsııasynda ornalasqan zamanaýı ýran kenishine barý boldy. Delegatsııa kásiporynnyń óndiristik ınfraqurylymymen, ýrandy óndirý jáne qaıta óńdeý tehnologııalarymen, óndiristi uıymdastyrý júıesimen jáne óndiristiń barlyq kezeńinde qoldanylatyn tsıfrlyq sheshimdermen tanysty.
Kásiporyn mamandary ýrandy óndirýge qoldanylatyn CO₂ + O₂ júıesi negizindegi jerasty uńǵymalyq shaımalaý tehnologııasyn tanystyryp, tehnologııalyq shemany, paıdalanylatyn jabdyqtardy, monıtorıng jáne basqarý júıelerin, sondaı-aq ónerkásiptik, ekologııalyq qaýipsizdik pen eńbekti qorǵaý sharalaryn kórsetti.
Delegatsııa ýran óndirý ýchaskelerin, tehnologııalyq eritindilerdi daıyndaý nysandaryn jáne daıyn ónimdi óndirýdiń tolyq tsıkli júzege asyrylatyn qaıta óńdeý keshenin aralap kórdi.
Qazaqstandyq tarap óndiristiń avtomattandyrylýy men tsıfrlandyrylýynyń joǵary deńgeıin, ıntellektýaldy basqarý júıeleriniń qoldanylýyn jáne ónerkásiptik, ekologııalyq ári óndiristik qaýipsizdiktiń joǵary standarttarynyń saqtalýyn atap ótti.
Sapar baǵdarlamasy aıasynda delegatsııa Baotoý qalasyndaǵy CNNC kompanııasynyń atom elektr stantsııalaryna arnalǵan jylý bólgish quramalardy óndiretin zaýytynda boldy. Delegatsııa avtomattandyrylǵan óndiristik jelilermen, sapany baqylaý júıesimen jáne ıadrolyq qaýipsizdikti qamtamasyz etý tásilderimen tanysty. Taraptar ıadrolyq otyn óndirý salasyndaǵy yntymaqtastyqty, tájirıbe almasýdy jáne birlesken bastamalardy iske asyrý perspektıvalaryn talqylady.
Sapar Qazaqstan Respýblıkasy men Qytaı Halyq Respýblıkasynyń atom energııasyn beıbit maqsatta paıdalaný salasyndaǵy yntymaqtastyqty odan ári damytýǵa, onyń ishinde ýran óndirý, ıadrolyq otyn óndirý jáne ıadrolyq-otyn tsıklin damytý baǵyttaryndaǵy ózara is-qımyldy keńeıtýge ózara múddeli ekenin rastady.
