Qazaqstan men Qytaı ýnıversıtetteri medıakommýnıkatsııa salasynda birlesip jumys isteıdi
ASTANA. KAZINFORM — L. N. Gýmılev atyndaǵy Eýrazııa ulttyq ýnıversıtetinde Qytaı kommýnıkatsııa ýnıversıtetiniń (Communication University of China) delegatsııasymen resmı kezdesý ótip, eki ýnıversıtet arasynda akademııalyq jáne ǵylymı yntymaqtastyq týraly memorandýmǵa qol qoıylady.
Kezdesýdiń negizgi maqsaty — eki ýnıversıtet arasyndaǵy ınstıtýtsıonaldyq áriptestikti nyǵaıtý, bilim berý men ǵylym salasyndaǵy birlesken bastamalardy damytý jáne uzaq merzimdi akademııalyq baılanystardy qalyptastyrý.
— Yntymaqtastyqtyń basym baǵyttary qatarynda professor-oqytýshylar quramy men bilim alýshylardyń akademııalyq utqyrlyǵyn damytý, qosdıplomdy bilim berý baǵdarlamalaryn iske asyrý múmkindikterin qarastyrý, birlesken ǵylymı zertteýler men halyqaralyq jobalardy júzege asyrý bar. Sondaı-aq jýrnalıstıka, medıakommýnıkatsııa, tsıfrlyq medıa, qoǵamdyq kommýnıkatsııalar jáne medıakonvergentsııa salalaryndaǵy ǵylymı áriptestikti keńeıtý kózdeledi, — delingen habarlamada.
Qytaı kommýnıkatsııa ýnıversıtetiniń delegatsııasyn Aqparat jáne kommýnıkatsııa mektebiniń professory, Eýropalyq medıany zertteý ortalyǵynyń dırektory Chjao Jýhan (ZhaoRuhan) jáne qaýymdastyrylǵan professor Gan Lý (GanLu) bastap keledi. Delegatsııa quramynda Medıa konvergentsııa jáne kommýnıkatsııa memlekettik negizgi zerthanasynyń doktoranttary men magıstranttary da bar.
Memorandým eki ýnıversıtet arasyndaǵy birlesken bilim berý jáne ǵylymı-zertteý jobalaryn júıeli túrde iske asyrýǵa, akademııalyq almasýdy damytýǵa, professorlardyń dáristeri men ǵylymı semınarlaryn uıymdastyrýǵa, sondaı-aq magıstranttar men doktoranttardyń birlesken zertteýlerine ınstıtýtsıonaldyq negiz qalyptastyrady.
Resmı kezdesýden keıin professor Chjao Jýhan EUÝ-dyń professor-oqytýshylar quramy, doktoranttary, magıstranttary jáne stýdentterine dáris oqıdy.
Іs-sharaǵa jýrnalıstıka jáne áleýmettik ǵylymdar joǵary mektebiniń dekany Kýantaev Nýrjan Kýantaıuly da qatysady.
Jańa kelisim Qazaqstan men Qytaıdyń joǵary oqý oryndary arasyndaǵy bilim, ǵylym jáne akademııalyq almasý salalaryndaǵy baılanysty nyǵaıtyp, eki ýnıversıtet arasyndaǵy uzaq merzimdi strategııalyq seriktestiktiń damýyna múmkindik beredi.
Aıta ketelik QazUÝ Koreıanyń eń bedeldi eki ýnıversıtetimen strategııalyq seriktestik ornatqan edi.
