Qazaqstan men Qytaı transshekaralyq sý nysandaryn avtomattandyrýǵa ýaǵdalasty
ASTANA. KAZINFORM — Sý resýrstary aqparattyq-taldaý ortalyǵy Qytaımen sý salasyn tsıfrlandyrý jáne transshekaralyq sý nysandaryndaǵy gıdrobeketterdi avtomattandyrý baǵytynda yntymaqtastyq ornatty, dep habarlaıdy Sý resýrstary jáne ırrıgatsııa mınıstrligi.
Astanada «QR jańa Sý kodeksin iske asyrýdaǵy birlesken bastamalar: júzege asyrý, tájirıbe, perspektıvalar» taqyrybynda dóńgelek ústel ótti. Іs-sharany Sý resýrstary jáne ırrıgatsııa mınıstrliginiń Sý resýrstary aqparattyq-taldaý ortalyǵy (ATO), Astanadaǵy EQYU baǵdarlamalar keńsesi jáne German halyqaralyq yntymaqtastyq qoǵamy uıymdastyrdy. Jıynǵa Májilis depýtattary, memlekettik organdardyń, halyqaralyq jáne qoǵamdyq uıymdardyń, bıznes, ǵylymı qaýymdastyq pen dıplomatııalyq mıssııalardyń ókilderi qatysty.
Dóńgelek ústelde qatysýshylar sý resýrstaryn basqarý salasyndaǵy memlekettik josparlaý máselelerin, sýdy utymdy paıdalaný mádenıetin qalyptastyrý jáne bıyl qabyldanǵan jańa Sý kodeksin iske asyrý aıasynda halyqaralyq yntymaqtastyqty damytý jaıyn talqylady.
Іs-shara aıasynda Sý resýrstary aqparattyq-taldaý ortalyǵy men Qytaıdyń POWERCHINA Zhongnan Engineering Corporation Limited kompanııasy arasynda ózara túsinistik týraly memorandýmǵa qol qoıyldy.
Qujatqa sáıkes, ATO janynan ahýaldyq ortalyq qurylyp, transshekaralyq sý nysandaryndaǵy gıdrobeketterdi avtomattandyrý kózdelip otyr. Joba qytaı tarapynyń granty esebinen qarjylandyrylady dep kútilip otyr.
— Bir jyl buryn Prezıdenttiń tapsyrmasymen Sý resýrstary aqparattyq-taldaý ortalyǵy qurylǵanyn bilesizder. Bul ortalyq sý salasyn tsıfrlandyrý men ádistemelik basqarýdy jetildirýge arnalǵan tıimdi alańǵa aınaldy. Qazirgi kezde ortalyq Memleket basshysynyń bastamasy aıasynda jasandy ıntellekt quraldaryn qoldanatyn biryńǵaı tsıfrlyq platformany qurý jumysyn júrgizip jatyr. Munda sapaly basseındik josparlaý erekshe mańyzǵa ıe. Sondaı-aq halyqaralyq yntymaqtastyqtyń róli de mańyzdy, — dedi Sý resýrstary jáne ırrıgatsııa mınıstri Nurjan Nurjigitov.
Osydan buryn 2026 jyly Sý resýrstarynyń ulttyq aqparattyq júıesi iske qosylatyny anyqtaldy.