Qazaqstan men Qytaıdy tatý kórshilik, kópjyldyq yntymaqtastyq baılanystyrady — mınıstr
ASTANA. KAZINFORM — QR Densaýlyq saqtaý mınıstri Aqmaral Álnazarova Hýanjan medıtsınalyq ortalyǵynan Shanghai Maijieke Investment Management Co., Ltd kompanııasynyń ókilderimen kezdesý ótkizdi. Bul týraly vedomstvonyń baspasóz qyzmeti málim etti.
Kelissózder barysynda taraptar densaýlyq saqtaý salasyndaǵy yntymaqtastyqty damytý perspektıvalaryn talqylady. Vedomstvo basshysy Qazaqstan men Qytaı tatý kórshilik, strategııalyq áriptestik jáne kópjyldyq yntymaqtastyq qarym-qatynastaryn baılanystyratynyn atap ótti.
Búgingi tańda eki eldiń de medıtsına ǵylymyn damytýǵa, tsıfrlandyrýǵa, densaýlyq saqtaý ınfraqurylymyn jańǵyrtýǵa jáne ınnovatsııalyq tehnologııalardy engizýge erekshe nazar aýdarylýda.
— Biz medıtsınalyq jabdyqtardy qalpyna keltirý jáne jahandyq saýda boıynsha biregeı úlgini júzege asyratyn sizderiń kompanııańyzdyń úlken áleýetin atap ótemiz. Qazaqstan medıtsınalyq tehnologııalardy jańartýǵa jáne utymdy paıdalanýǵa múddeli jáne biz servıstik qyzmet kórsetý jáne kadrlardy daıarlaý ortalyqtaryn damytýǵa baǵyttalǵan birlesken jobalardy qaraýǵa daıynbyz, — dedi mınıstr.
Eske sala keteıik, buǵan deıin sozylmaly aýrýlardyń aldyn alǵan dárigerlerge syıaqy beriletini habarlandy.