Qazaqstan men Qytaı strategııalyq seriktestikti tereńdetý týraly 24 kelisim jasasty
ASTANA. KAZINFORM — Prezıdent Qasym-Jomart Toqaev pen QHR Tóraǵasy Sı Tszınpın júrgizgen kelissóz nátıjesinde 24 úkimetaralyq jáne vedomstvoaralyq qujatqa qol qoıyldy
Eki el delegatsııasynyń músheleri energetıka, aeroǵarysh, tsıfrlandyrý, keden, aýyl sharýashylyǵy, elektrondy saýda, týrızm, zııatkerlik menshik, medıtsına, medıa, ǵylym, óńiraralyq baılanys salalaryndaǵy yntymaqtastyqty qamtıtyn qujattarmen almasty.
Olardyń ishinde ınvestıtsııalardy kótermeleý jáne ózara qorǵaý, tehnıkalyq-ekonomıkalyq yntymaqtastyq týraly úkimetaralyq kelisimder bar.
Budan buryn Prezıdent Qasym-Jomart Toqaev Aqorda rezıdentsııasynda Qytaı Halyq Respýblıkasynyń Tóraǵasy Sı Tszınpındi qarsy alǵanyn jazǵan edik.
Keıinnen Memleket basshysy QHR Tóraǵasymen kelissóz júrgizdi. Toqaev ekijaqty qarym-qatynas jyldan jylǵa nyǵaıyp, jańa «altyn kezeńge» qadam basqanyn málimdedi.
Sonymen qosa Memleket basshysy QHR Tóraǵasyn týǵan kúnimen
Prezıdent QHR Tóraǵasymen júrgizgen kelissóz barysynda Qytaıdy Qazaqstannyń tatý kórshisi jáne ýaqyt tezinen ótken senimdi strategııalyq seriktesi dep atady.
Óz kezeginde Sı Tszınpın qazaq jerinde kórsetilgen syı-qurmet úshin Toqaevqa rızashylyǵyn bildirdi.