Qazaqstan men Qytaı shekarasynda jolaýshylar aǵyny kúrt artty

ASTANA. KAZINFORM – 15 shildedegi jaǵdaı boıynsha Qytaıdyń Sıntszıan-Uıǵyr avtonomııalyq aýdanyndaǵy Tszımýnaı baqylaý-ótkizý pýnkti arqyly Qazaqstanmen shekaradan ótken jáne kirgen jolaýshylar sany 49 myń adamnan asty. Bul týraly Sınhýa agenttigi habarlady.

Sol kezeńde shekaradan ótken kólik sany 12 myńǵa jýyqtaǵan.

Jergilikti týrıstik agenttik ókili ıAn Chýnniń aıtýynsha, transshekaralyq týrıstik toptar sany aıtarlyqtaı ósken. Onyń agenttigi mamyr-maýsym aılarynda uzaqtyǵy 1 kúnnen 30 kúnge deıingi Qazaqstanǵa baǵyttalǵan túrli avtotýrıstik baǵyttar uıymdastyryp, 28 kólikpen sapar shekken týrısterge qyzmet kórsetken.

Mundaı ósimge Qytaı men Qazaqstan arasyndaǵy ózara vızasyz rejımniń engizilýi sebep boldy.

Eske salaıyq, vızasyz qatynas 2023 jyldyń qarasha aıynan bastap kúshine engen bolatyn.

– Vızasyz rejım transshekaralyq saparlardy áldeqaıda yńǵaıly etti, – deıdi Almatydan kelgen týrıst Aıtosh Mahmet. Ol Sıntszıandaǵy Býrchýn aýdany men Úrimshi qalasyna jáne ózge de óńirlerge barýdy josparlap otyr.

Býrchýn ýeziniń mádenıet, sport, radıo, televıdenıe jáne týrızm basqarmasy ókili Lıý Shýjýnnyń málimetinshe, transshekaralyq týrızm aıasynda Qytaı men Qazaqstannyń týrıstik áleýetin biriktiretin jańa baǵyttar ázirlenip jatyr. Bul sheteldik týrısterge Tszımýnaı beketi arqyly Qazaqstanǵa ótýge múmkindik beredi.