Qazaqstan men Qytaı «Nur Joly» beketiniń ótkizý qabiletin arttyrady
ASTANA. KAZINFORM — Qazaqstan men Qytaı kólik mınıstrleri birlese «Nur Joly» Qazaqstan-Qytaı avtokólik ótkizý beketine baryp, onyń jumysymen tanysty.
Shekara mańyndaǵy ınfraqurylymdy damytý — júk tasymaly kólemin odan ári arttyrýdaǵy basym mindetterdiń biri.
— Mınıstrler ótkizý beketinde júk kólikteri júrgizýshilerimen sóılesip, túıtkildi máselelerdi talqylap, bekettiń ótkizý qabiletin odan ári arttyrý aıasynda kelisimge keldi. Kólik vedomstvolarynyń basshylary tranzıttiń úzdiksiz ótýi úshin ákimshilik kedergilerdi joıý, shekaralyq ınfraqurylymnyń áleýetin arttyrý, tsıfrlandyrýdy damytý sııaqty birqatar máseleni qolǵa alady, — delingen habarlamada.
Marat Qarabaev pen Lıý Veı eki mınıstrliktiń ókilderinen turatyn arnaıy turaqty jumys tobyn qurýǵa kelisti. Mınıstrlerdiń qatysýymen bolatyn kelesi kelissóz kezeńi bir aıdan soń ótedi.
Jumys sapary barysynda ótken sharaǵa keden jáne shekara qyzmetiniń ókilderi de qatysty.
Byltyrdan beri Qazaqstan men Qytaı ruqsat berý blankilerin elektrondy formatta almastyryp keledi. Bıyl eki el 90 myń ShRB almasty.
Buǵan deıin Prezıdent kólik salasyndaǵy kemshilikter úshin Marat Qarabaevqa sógis jarııalaǵanyn jazdyq.