Qazaqstan men Qytaı megapolısteri arasyndaǵy yntymaqtastyq nyǵaıa tústi
ASTANA. KAZINFORM — QR Premer-mınıstriniń birinshi orynbasary Roman Sklıar Shanhaı delegatsııasynyń Qazaqstanǵa sapary aıasynda Shanhaı qalasynyń Halyq úkimetiniń tóraǵasy Gýn Chjenmen kezdesý ótkizdi. Bul týraly Úkimet málim etti.
Taraptar saýda-ekonomıkalyq jáne ınvestıtsııalyq yntymaqtastyqtyń qazirgi jaǵdaıy men ony tereńdetý perspektıvalaryn talqylady, sondaı-aq iri megapolıster deńgeıindegi ózara is-qımylǵa erekshe nazar aýdardy.
— Kelissózder barysynda eki memleket kóshbasshylarynyń dıplomatııasynyń arqasynda qazaq-qytaı qatynastary buryn-sońdy bolmaǵan joǵary deńgeıde ekendigi atap ótildi. Roman Sklıar Shanhaıdyń ınnovatsııalar, qarjy jáne «jasyl» energetıka salasyndaǵy álemdik kóshbasshylardyń biri retindegi joǵary áleýetin atap ótip, eki eldiń qarjy jáne iskerlik ortalyqtary arasyndaǵy praktıkalyq áriptestikti keńeıtýdiń mańyzdylyǵyn atap ótti, — delingen habarlamada.
Óz kezeginde Gýn Chjen Shanhaı kompanııalarynyń Qazaqstanda birlesken jobalardy, sonyń ishinde mashına jasaý, logıstıka, joǵary tehnologııalar jáne tsıfrlandyrý salalarynda júzege asyrýǵa qyzyǵýshylyǵyn rastady.
QR Premer-mınıstiriniń birinshi orynbasary Almaty men Shanhaı arasyndaǵy 2025 jyly qurylǵan baýyrlas qalalar qarym-qatynastarynyń áleýetin joǵary baǵalap, bul format saýda, ınvestıtsııa, mádenı jáne bilim berý almasýlarynda praktıkalyq yntymaqtastyqty ornatýǵa yqpal etetinin atap ótti.
Kezdesý sońynda taraptar strategııalyq áriptestikti odan ári nyǵaıtýǵa, sondaı-aq Qazaqstan ekonomıkasyn ártaraptandyrýǵa jáne qytaı bıznesiniń Ortalyq Azııa naryqtaryna shyǵýyna yqpal etetin birlesken bastamalardy iske asyrýǵa ózara daıyndyǵyn rastady.
Buǵan deıin Qazaqstan men Koreıa jańa birlesken jobalardy iske asyrýǵa nıetti ekenin jazdyq.
