Qazaqstan men Qytaı Mańǵystaý oblysynda elektr stantsııasyn salady
ASTANA. KAZINFORM — «KAZAKH INVEST» UK» AQ Basqarma tóraǵasy Erjan Elekeev Mańǵystaý oblysyndaǵy elektr energııasy tapshylyǵy máselesin qalaı sheshý josparyn aıtty.
Ol birneshe jyl buryn Mańǵystaý oblysynda elektr energııasynyń óshýi problemasy bolǵanyn eske saldy. 2023 jyly óńirdegi elektr qýatyn óndirýdi turaqtandyrý úshin Kazakh Invest qytaılyq China Huadian Corporation kompanııasymen kelissózder bastady. Sonyń nátıjesinde Mańǵystaý oblysynda bý-gazdy stantsııasyn salý jospary bar. Ekinshi kezeńde jel elektr stantsııasyn iske qosý eskerilgen.
«Bul eki júıe ózara baılanysty bolady. Negizgi elektr energııasy jelden alynatyn bolady. Biraq klımat ózgergen kezde, sol ýaqytta bý-gazdy stantsııasy qosylady. Osylaısha, bý-gazdy stantsııa tıisti kezeńde jumys isteıtin bolady», - ded E. Elekeev Qazaqstan-Qytaı iskerlik keńesi kezinde tilshiler suraǵyna jaýap bere otyryp.
2024 jyly qurylysqa daıyndyq bastaldy. Joba 2025 jyldyń aıaǵynda nemese 2026 jyldyń basynda paıdalanýǵa beriledi. Qazaqstannan jobaǵa «MAEK» JShS, al Qytaıdan China Huadian Corporation-nyń enshiles uıymdarynyń biri qatysyp jatyr. Qurylys nesıe qarajaty esebinen qarjylandyrylady. Nesıeni Qytaıdyń memlekettik bankteriniń biri 15-25 jylǵa 5 paıyzdan tómen mólsherlememen beredi.
Degenmen, qarjylandyrýdyń naqty kólemi áli jarııalanǵan joq. Qaryzdy qaıtarý tarıf esebinen júzege asyrylmaq.
«Bolashaqta osyndaı jobalardy naqty kóremiz. Qazir ony pılottyq rejımde iske qosý óte mańyzdy. Joǵaryda aıtqanymdaı, bul - ınnovatsııalyq joba. Sondyqtan, pılottyq rejımde biz ony elektr energııasy máselesi óte ótkir turǵan Mańǵystaý oblysynan bastadyq», - dedidi Erjan Elekeev.
